ءبىلىم
جەلىدە ۇستازدىڭ وقۋشىلار جايلى ايتقان پىكىرى جۇرتتىڭ اشۋىن تۋعىزدى
فوتو: سكرين ۆيدەو
جەلىدە مەكتەپتە بىرنەشە جىل بويى ساباق بەرگەن ۇستازدىڭ «مۇعالىم — وقۋشىنىڭ جاۋى» دەگەن پىكىرى تاراپ كەتتى, دەپ حابارلايدى qandastar.kz
Skifnews.kz جازعانداي, ءوزىن ايگەرىم اۋەبەك دەپ تانىستىرعان ول, «مۇعالىم — وقۋشىنىڭ جاۋى» ەكەنىن اشىپ ايتتى.
«مۇعالىمدەر بالانىڭ جاۋى. ويتكەنى كەيبىر مۇعالىمدەر بولادى ساباققا كىرە سالىسىمەن, «ءاليحان سەن جاڭا كوريدوردا شۋلاپ ءجۇر ەدىڭ عوي, كورەيىن قازىر ساباققا قالاي جاۋاپ بەرەتىنىڭدى» دەگەننەن باستالادى. ءسويتىپ ساباق باستالماي جاتىپ وقۋشىلاردى سىندىرا باستايدى, پسيحولوگيالىق تۇرعىدان.
سوسىن جۋرنالدىڭ تىزىمىنە قاراپ, كوزىلدىرىگىنىڭ استى-ۇستىمەن وقۋشىعا قاراپ, ارقايسىسىنا قاراپ, سودان راحاتتانادى. ساباق باستالماي جاتىپ بالانىڭ ساعىن سىندىرۋ, پسيحولوگيالىق تۇرعىدان اسەر ەتەدى, ال بالا سوسىن جابىلادى. ياعني, كەيبىر مۇعالىمدەر بولادى ءوزىنىڭ قاتالدىعىمەن, ءوز ءپانىن بىلمەيتىن مۇعالىمدەر وبرازىن قاتالدىقپەن جاباتىن بولادى.
مەن ساعان ەمتيحاندا, ەرتەڭ توقسان بىتكەن كەزدە كورەسىڭ سەن بالا مەنەن, باقىلاۋدا كورسەتەمىن دەپ مانيپۋلياتسيا جاسايدى. ول ءوزىن قاتال مۇعالىممىن, مەن بالالارعا ءتارتىپ ورناتىپ جاتىرمىن دەپ ويلايدى. نەگىزىندە ول جەردە بالانىڭ تازا ساعىن سىندىرۋ, ەموتسيونالدى دەڭگەيىن ءتۇسىرۋ بار. ال, ەموتسيونالدى دەڭگەيى تومەن بالادان IQ ەشقاشان جوعارى بولمايدى. سوندىقتان قاتال مۇعالىم, ول جاقسى مۇعالىم ەمەس», — دەدى مۇعالىم.
