جاڭالىقتار
جەلىدەگىلەر نارازى: قازاقستاندىق تيكتوكەر پوليتسيا فورماسىمەن جەلىگە شىققان
فوتو: Polisia.kz
شىمكەنتتە پوليتسيا قىزمەتكەرلەرى تيكتوك جەلىسىندە پوليتسەي قىزدىڭ تىكەلەي ەفيرىنىڭ بەينەجازباسىن انىقتادى. پوليتسيا فورماسىن كيگەن قىز ءىىو-نىڭ بەدەلىنە نۇقسان كەلتىرەتىن جانە ونى تومەندەتەتىن, وفيتسەر اتاعىنا لايىقسىز ارەكەتتەر كورسەتكەن, دەپ جازادى qandastar.kz
ءتارتىپ ساقشىلارى الەۋمەتتىك جەلى قولدانۋشىسىن انىقتادى. ول پوليتسياعا ەشقانداي قاتىسى جوق 24 جاستاعى ازامات بولىپ شىقتى.
پوليتسيانىڭ نىساندى كيىمىن زاڭسىز كيگەنى ءۇشىن قۇقىق بۇزۋشىعا قاتىستى اكىمشىلىك حاتتاما تولتىرىلدى. نىساندى كيىم تاركىلەنىپ الىندى.
پوليتسيا ايىرىم بەلگىلەرى جانە (نەمەسە) نىشانى بار اسكەري كيىم نىسانىن, سونداي-اق نىساندى جانە ارناۋلى كيىمدى زاڭسىز كيىپ ءجۇرۋ (پايدالانۋ) قۇقىق بۇزۋشىلىققا جاتاتىنىن ەسكەرتەدى. بۇل ءۇشىن نىساندى كيىم تاركىلەنىپ, اكىمشىلىك ايىپپۇل سالىنادى.
