Jem-shóp tapshy: Batys Qazaqstanda tótenshe jaǵdaı jarııalandy

Foto: istockphoto.com

Batys Qazaqstan oblysynyń keıbir aýdandarynda jergilikti mańyzy bar tótenshe jaǵdaı jarııalandy, dep habarlady qandastar.kz «24KZ» arnasyna silteme jasap.

Tótenshe jaǵdaı aımaǵyna Jánibek, Bókeı ordasy, Jańaqala men Kaztalov aýdandarynyń birneshe aýyldary kirdi. Qurǵaqshylyq pen aqbókenderdiń qaptap ketýi saldarynan mal ósirýshilerdiń mal azyǵyn jınaýǵa múmkindigi bolmaı tur. Negizi Batys Qazaqstan oblysy mal sharýashylyǵymen aınalysýda kóshbasshy aımaq. Iri qara maldyń sany munda mıllıonnan, al usaq maldyń sany eki mıllıonnan asady. Mal basynyń 70% oblystyń ońtústigine tıesili.

«Jergilikti bılik problemalardan habardar. «Qazgıdromet» qorytyndysyna súıene otyryp, óńirde tótenshe jaǵdaı rejımi ishinara jarııalandy. Sýbsıdııa retinde iri qara maldyń árbir analyq basyna 22 myń teńge tólenedi. Usaq mal úshin úsh myńnan astam, al bıe úshin 8 myń teńge. Aýyl sharýashylyǵy basqarmasynyń esebi boıynsha kómektiń jalpy somasy 3 mlrd 260 mln teńge bolady», – delingen habarlamada.

Jeke aýlalarǵa shóp tasymaldaý shyǵyndary óteledi.