«جەمىس ساتادى»: تايلاندتا اكتريسا داريعا بادىقوۆانىڭ «سىڭارى» تابىلدى

فوتو: instagram.com/dariga_badykova / ۆيدەودان سكرينشوت

جەلىدە تانىمال قازاقستاندىق اكتريسا داريعا بادىقوۆاعا ۇقساس ايەل قىزۋ تالقىلاندى, دەپ حابارلايدى Qaz365.kz.

تايلاندتاعى جەمىس ساتۋشىنىڭ كەزدەيسوق ۆيدەوسى ۆيرۋسشا تاراپ, بىرنەشە ءجۇز مىڭ قارالىم جينادى. بەينەروليكتە ايگىلى قازاقستاندىقتى ەسكە تۇسىرەتىن ايەل ك ۇلىپ, ءوزى تۋرالى اڭگىمەلەيدى.

«داريعانىڭ اكەسى دەمەك تايلاندتا بولعان», «ەندى قويانباەۆ «زيتا-گيتا» نۇسقاسىن تۇسىرەدى», «داريعا ادەمى, تىستەرى تەگىس, سۇيكىمدى, ك ۇلىمسىرەۋى باسقاشا, وعان ۇقسامايدى, قۋماڭىز», «شىنىمەن دە, وتە ۇقساس», ء«بىزدىڭ داريعا ادەمى», » ۇقساس, ءتىپتى ەگىزدەر كەيدە ءبىر-بىرىنە ۇقسامايدى».

جەلىدە وسىلاي پىكىر تاراتىپ جاتقاندار كوپ.

“روليكتىڭ اۆتورى – الماتىدان كەلگەن 29 جاستاعى باعدارلاماشى دانيار. تايلاندتاعى ساتۋشىنى قالاي كەزدەيسوق كەزدەستىرگەنىن ايتىپ بەردى. ول اكتريساعا ۇقساس ايەلدى كورىپ تاڭعالعان. – مەن ساياحاتتاعاندى جاقسى كورەمىن. بۇل جولى دوسىم ەكەۋمىز پحۋكەتكە دەمالۋعا باردىق. كەشتەردىڭ بىرىندە ءبىز سەرۋەندەپ, ەكزوتيكالىق جەمىس الايىق, دەدىك. دۇكەنگە بارىپ, ساتۋشىنىڭ اكتريسا داريعا بادىقوۆاعا ۇقسايتىنىن كوردىك. باسىندا مەن ونى ءتىپتى سول دەپ ويلادىم, بىراق تۇسىنگەننەن كەيىن سالەمدەسىپ, ك ۇلىمسىرەپ تۇرعان ۆيدەوعا ءتۇسىردىم. ۆيدەونى سالىپ, كەلەسى كۇنى بەينەنىڭ 500 مىڭ قارالىم جيناعانىن كوردىم. كوپ ادام ۆيدەونى ۇناتىپ, باسىپ, پىكىر قالدىرىپتى. كەيبىر جۇرتشىلىق بەينەلەردى الىپ, Instagram-دا جاريالادى. مەن ونى ءوزىم جاريالامادىم”, – دەدى ول.

دانيار الگى جەمىس ساتاتىن ايەلگە ەكىنشى رەت بارىپ, ۆيدەوسى قازاقستاندا قىزۋ تالقىلانىپ جاتقانىن كورسەتكەن. ايەل قاراپايىم ساتۋشى ەكەن. ءوزىنىڭ ۆيدەوسى قىزۋ تالقىلانىپ جاتقانىن كورىپ, تاڭقالىپ, ۇيالىپ كەتكەن ەكەن.