جەمقورلىقپەن قاماۋدا بولعان شەنەۋنىك تۇركىستان قالاسى اكىمىنىڭ ورىنباسارى قىزمەتىنە تاعايىندالدى

فوتو: سپك Shymkent

تۇركىستان قالاسى اكىمىنىڭ ورىنباسارى بولىپ بۇرىن شىمكەنت قالاسىنىڭ قۇرىلىس باسقارماسىن باسقارعان ابىلسەيىت راباەۆ تاعايىندالدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

2013 جىلى راباەۆ وڭتۇستىك قازاقستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى بولعان كەزدە قارجى پوليتسياسى ونى تۇتقىنداعان بولاتىن.

تەرگەۋ بيۋدجەتتىك وتىنىمگە كوكسايەك — اقسۋ — شايان — مىڭبۇلاق جول ۋچاسكەسى زاڭسىز ەنگىزىلگەنىن, ال ونىڭ جوندەۋدى قاجەت ەتپەگەنىن ايتتى. تەرگەۋشىلەردىڭ بولجامىنشا, ورىندالماعان جۇمىستارعا بيۋدجەتتەن 131 ميلليون تەڭگە جۇمسالعان.

ءىس 35 توم بولدى, 70-كە جۋىق كۋا جاۋاپ بەردى. راباەۆ ءبىر جىلعا جۋىق تۇتقىندا بولدى. الايدا 2014 جىلدىڭ مامىرىندا سوت ونى كىناسىز دەپ تاپتى.

وسىدان كەيىن ابىلسەيىت راباەۆ قىزمەتىنە قايتا ورالدى.ول قايتادان وبلىستىق باسقارمانى باسقاردى, ەندى تۇركىستان اكىمىنىڭ ورىنباسارى قىزمەتىنە كىرىسپەك.

بۇعان دەيىن Hermes سومكەسى ءۇشىن ءىستى بولعان ساكەن مۇسايبەكوۆ «بارىس» حوككەي كلۋبىنىڭ باس ديرەكتورى بولىپ تاعايىندالعانىن جازعان بولاتىنبىز.