Jemqorlyqpen qamaýda bolǵan sheneýnik Túrkistan qalasy ákiminiń orynbasary qyzmetine taǵaıyndaldy

Foto: SPK Shymkent

Túrkistan qalasy ákiminiń orynbasary bolyp buryn Shymkent qalasynyń qurylys basqarmasyn basqarǵan Ábilseıit Rabaev taǵaıyndaldy, dep jazdy qandastar.kz

Bul týraly Stan.kz aqparat agenttigi habarlaıdy.

2013 jyly Rabaev Ońtústik Qazaqstan oblysynyń jolaýshylar kóligi jáne avtomobıl joldary basqarmasynyń basshysy bolǵan kezde qarjy polıııasy ony tutqyndaǵan bolatyn.

Tergeý bıýdjettik ótinimge Kóksaıek — Aqsý — Shaıan — Myńbulaq jol ýchaskesi zańsyz engizilgenin, al onyń jóndeýdi qajet etpegenin aıtty. Tergeýshilerdiń boljamynsha, oryndalmaǵan jumystarǵa bıýdjetten 131 mıllıon teńge jumsalǵan.

Is 35 tom boldy, 70-ke jýyq kýá jaýap berdi. Rabaev bir jylǵa jýyq tutqynda boldy. Alaıda 2014 jyldyń mamyrynda sot ony kinásiz dep tapty.

Osydan keıin Ábilseıit Rabaev qyzmetine qaıta oraldy.Ol qaıtadan oblystyq basqarmany basqardy, endi Túrkistan ákiminiń orynbasary qyzmetine kirispek.

Buǵan deıin Hermes sómkesi úshin isti bolǵan Sáken Musaıbekov «Barys» hokkeı klýbynyń bas dırektory bolyp taǵaıyndalǵanyn jazǵan bolatynbyz.