جەمقورلىقتان قاشقان سپورتشى ۇلىبريتانيادان ساياسي باسپانا الدى

جۇزدەگەن كۇن – فەرمادا 12 ساعاتتان, اپتاپ ىستىقتا دا, سۋىقتا دا, ونداعان باس تارتۋ – «قۇجات جوق», «مۇمكىندىك جوق». جۇزدەگەن ءتۇن – ۋايىممەن, ەرتەڭ نە بولاتىنىن بىلمەي ۇنسىزدىكپەن ءوتتى.

بۇگىن مەنىڭ قولىمدا – جاي عانا قۇجات ەمەس. بۇل مەن ءجۇرىپ وتكەن جولدىڭ دالەلى. مەن بەس جىلدىق تۇرۋعا رۇقسات الدىم. ساياحاتقا ارنالعان پاسپورت جانە ەڭ باستىسى – تاڭداۋ ەركىندىگى. اقىرى بالالارىمدى قۇشاقتاي الامىن. ولاردىڭ كوزدەرىن كورىپ, كۇلكىسىن ەستيمىن. اكە بۇنىڭ ءبارىن سەندەر ءۇشىن جاسادى. بولاشاقتارىڭ ءۇشىن. ءار كۇنىڭ ءۇشىن.

سەنگەندەرگە دە, سەنبەگەندەرگە دە راقمەت, – دەپ جازدى ول.

سپورتشىنىڭ ءوزى ايتقانداي, 2023 جىلدىڭ جازىندا ول قازاقستاندىق باق-قا سۇحبات بەرىپ, سپورت سالاسىنداعى سىبايلاس جەمقورلىق, قارجىلاندىرۋدىڭ ادىلەتسىز ءبولىنۋى جانە وليمپيادالىق ەمەس سپورت تۇرلەرىنىڭ وكىلدەرىنە جاسالاتىن قىسىم تۋرالى اشىق ايتتى. وسىدان كەيىن, يلداردىڭ ايتۋىنشا, ول بەلگىسىز ادامداردان قوقان-لوققى ەستي باستاعان. سول سەبەپتى ول تەلەفون ءنومىرىن اۋىستىرىپ, قاۋىپسىزدىگىنە الاڭداپ, ۇلىبريتانيادان ساياسي باسپانا سۇراۋعا شەشىم قابىلداعان.