Jańalyqtar

Jemqorlyqtan qashqan sportshy Ulybrıtanııadan saıası baspana aldy

12.05.2025

0 49

Aqtaýlyq sportshy Ildar Iagıaev Ulybrıtanııadan saıası baspana aldy, dep habarlaıdy qandastar.kz saıty.

Iagıaev – strıtlıftıng pen strıtvorkaýttan jeti dúrkin álem chempıony. Buǵan deıin Gınnestiń rekordtar kitabynyń rekordyna engen bolatyn. 2023 jyly Ildar Iagıaev Ulybrıtanııaǵa jumys isteýge ketken. Aýyl sharýashylyǵy alqaptarynda jáne jyldam tamaqtaný meıramhanalarynda jumys istegen.

Elden ketkennen keıin ol Ulybrıtanııaǵa taban tiregen. Qazir atalǵan elde 5 jyl boıy turý quqyǵyn beretin qujatqa qol jetkizipti. Sportshy aılaker shemalardy qoldanbaǵanyn, advokattardyń kómegine júginbegenin jáne jalǵan nekege otyrmaǵanyn málimdedi.

Júzdegen kún – fermada 12 saǵattan, aptap ystyqta da, sýyqta da, ondaǵan bas tartý – «qujat joq», «múmkindik joq». Júzdegen tún – ýaıymmen, erteń ne bolatynyn bilmeı únsizdikpen ótti.

Búgin meniń qolymda – jaı ǵana qujat emes. Bul men júrip ótken joldyń dáleli. Men bes jyldyq turýǵa ruqsat aldym. Saıahatqa arnalǵan pasport jáne eń bastysy – tańdaý erkindigi. Aqyry balalarymdy qushaqtaı alamyn. Olardyń kózderin kórip, kúlkisin estımin. Áke bunyń bárin sender úshin jasady. Bolashaqtaryń úshin. Ár kúniń úshin.

Sengenderge de, senbegenderge de raqmet, – dep jazdy ol.

Sportshynyń ózi aıtqandaı, 2023 jyldyń jazynda ol qazaqstandyq BAQ-qa suhbat berip, sport salasyndaǵy sybaılas jemqorlyq, qarjylandyrýdyń ádiletsiz bólinýi jáne olımpıadalyq emes sport túrleriniń ókilderine jasalatyn qysym týraly ashyq aıtty. Osydan keıin, Ildardyń aıtýynsha, ol belgisiz adamdardan qoqan-loqqy estı bastaǵan. Sol sebepti ol telefon nómirin aýystyryp, qaýipsizdigine alańdap, Ulybrıtanııadan saıası baspana suraýǵa sheshim qabyldaǵan.

Ilmekter