جاڭالىقتار
جەنەۆادا قازاقستاننىڭ انتيادرولىق باستامالارى ۇسىنىلدى
ەلىمىز كەلەر جىلى يادرولىق قارۋعا تىيىم سالۋ تۋرالى حالىقارالىق شارتتىڭ ءىىى كونفەرەنتسياسىنا توراعالىق ەتەدى,-دەپ حابارلايدى Qandastar.kz
وسىعان وراي حالىقارالىق قاۋىمداستىق وكىلدەرى جەنەۆادا باس قوسىپ, الدا اتقارىلۋى ءتيىس جوسپارلاردى پىسىقتادى.
ماسەلەن, قازاقستان مەن كيريباتي مەملەكەتىنىڭ باستاماسى بويىنشا 2025 جىلى يادرولىق سىناق قۇرباندارىنا كومەك كورسەتۋدىڭ حالىقارالىق قورىن قۇرۋ جوسپارى بار. بۇل قوردىڭ ماقساتى قورشاعان ورتانى قالپىنا كەلتىرۋ جونىندەگى جوبالاردى قارجىلاندىرۋعا ارنالعان.
مەليسسا پارك, حالىقارالىق يادرولىق قارۋدى جويۋ ناۋقانىنىڭ اتقارۋشى ديرەكتورى: – قازاقستان وسى كوپجىلدىق پروتسەستىڭ قاتىسۋشىسى بولا وتىرىپ, شىنىمەن دە ماڭىزدى ءرول اتقارادى, ەل يادرولىق سىناقتاردىڭ قۇرباندارىنا كومەك كورسەتۋ جانە قورشاعان ورتانى قالپىنا كەلتىرۋ جونىندەگى جۇمىس توپتارىنىڭ بىرىگۋىندە بەلسەندى ءرول اتقارادى.
ءبىز قازاقستاننىڭ اۋقىمدى باستامالىرىنا جانە ونىڭ تيىمدىلىگىنە ءتانتى بولدىق. بۇل جوبالار ادامزات يگىلىگى ءۇشىن ۇلكەن ناتيجەلەر الىپ كەلەدى دەگەن ۇمىتتەمىن. ريچارد لەننان, حالىقارالىق قىزىل كرەست كوميتەتىنىڭ كەڭەسشىسى: – قازاقستان باسىنان باستاپ بۇكىل پروتسەستىڭ قاتىسۋشىسى بولدى, ويتكەنى ونىڭ يادرولىق سىناقتارعا قاتىستى ۇلكەن تاجىريبەسى بار. ەل يادرولىق قارۋدىڭ قاراپايىم حالىققا تيگىزەر زالالىن جاقسى بىلەدى. قازاقستان ءۇشىن بۇل پروتسەس وتە ماڭىزدى.
جانگەلدى سىرىمبەت, بۇۇ جانىنداعى قر تۇراقتى وكىلدىگىنىڭ كەڭەسشىسى: – قازىرگى جاعدايدا ءبىز وسى شارتتىڭ ۋنيۆەرساليزاتسيالاۋىن قامتاماسىز ەتۋگە جۇمىس ىستەپ جاتىرمىز. 70 ەل راتيفيكاتسيالاپ, 93 مەملەكەت قول قويدى شارتقا. ودان كەيىنگى ەندى ماقساتىمىز – 100-دەن كوپ بولۋ. ەندى قازاقستان وسى سالادا كوشباسشى بولىپ, ءبىز ونى middle power مارتەبەسىنە يە بولدى. ەلىمىزدى ءبارى تانيدى.
