قازاقستاندا كوپبالالى وتباسىلارعا جەڭىلدەتىلگەن اۆتونەسيەنىڭ باعدارلاماسى ازىرلەنبەك

فوتو: inbusiness.kz

جەڭىلدىكتى نەسيەلەۋ باعدارلاماسىندا الداعى ۋاقىتتا قانداي وزگەرىستەر كۇتىلۋدە سالالىق كوميتەت توراعاسىنىڭ ورىنباسارى شىڭعىس سۇيىنباەۆ ايتىپ بەردى.

بۇگىندە باعدارلاما رەۆولۆەرلىك نەگىزدە جۇمىس ىستەيدى جانە اي سايىن 250-300-دەن استام كولىك شىعادى. دەگەنمەن ازاماتتاردىڭ شاعىمدارىن ەسكەرە وتىرىپ, باعدارلاما شارتتارىن قايتا قاراۋ جوسپارلاندى.

– بىزدە 4%-دىق مەملەكەتتىك باعدارلاما بار, ول جەردە كەزەككە تۇرىپ, بانكتەرگە حابارلاسۋ كەرەك. ەندى ونى قايتا قارايمىز, ويتكەنى شاعىمدار كوپ بولدى. جەڭىلدىك الا الماي جۇرگەن كوپبالالى وتباسىلارعا كوبىرەك باعىتتاعىمىز كەلەدى. بانكتەرگە قۇزىرىمىز جۇرمەگەندىكتەن, نارىقتاعى باعانى رەتتەۋگە تىرىسىپ كورەمىز. وسى بويىنشا سەنات دەپۋتاتتارى دا, ءماجىلىس دەپۋتاتتارى دا ماسەلەنى قوزعاعالى وتىر, – دەپ كوميتەت وكىلى ايتىپ ءوتتى.

سونداي-اق, جەڭىلدەتىلگەن نەسيە الۋدا الەۋمەتتىك مۇقتاج ازاماتتارعا باسىمدىق بەرۋ ءۇشىن جالاقى ولشەمدەرىن ەنگىزۋ جوسپارلانىپ وتىر. بۇل شەشىم دە كوپشىلىك اراسىندا كوتەرىلەتىن بولادى.

يندۋستريا جانە قۇرىلىس ۆيتسە-ءمينيسترى ولجاس ساپاربەكوۆ باعدارلامانى قايتا قاراۋ قاجەتتىگىن ايتىپ, ونىڭ ەكىنشى دەڭگەيلى بانكتەر ارقىلى جۇمىس ىستەيتىنىن ناقتىلادى. 

ونىڭ ايتۋىنشا, قاراجات الەۋمەتتىك قاجەتتىلىكتەرگە كوبىرەك ءبولىنىپ, ال باعدارلاماعا قوسىمشا ەنگىزۋ مۇمكىندىگى ءازىرشن قاراستىرىلمايدى.

– ءبىز مەملەكەتتىك قاراجاتتى الەۋمەتتىك ماڭىزى بار ماقساتتارعا باعىتتاۋ مۇمكىندىگىن قاراستىرىپ جاتىرمىز. ايىنا 200-250 كولىك كولەمى جەتكىلىكسىز. بىراق بيۋدجەتتىك مۇمكىندىكتەر شەكتەۋلى ەكەنىن ءتۇسىنۋىمىز قاجەت. بۇل اقشانى پايدالانا الاتىن باسقا دا باستامالار بار. باعدارلاماعا قوسىمشا ينەكتسيالار جوسپارلانبايدى, بىراق ءبىز اينالىمدىق نەگىزدە قاراجات الامىز, ال قازاقستاندا اي سايىن ورتا ەسەپپەن 250-گە جۋىق اۆتوكولىك ساتىپ الىنادى,– دەپ ايتىپ ءوتتى ءوز سوزىندە ساپاربەكوۆ.

ايتا كەتۋ كەرەك باعدارلاما ەكىنشى دەڭگەيلى بانكتەر ارقىلى جۇمىس ىستەيدى, سوندىقتان قوسىمشا اقپارات الۋ ءۇشىن وسى بانك وكىلدەرىنە جۇگىنۋگە بولادى.