Qazaqstanda kópbalaly otbasylarǵa jeńildetilgen avtonesıeniń baǵdarlamasy ázirlenbek

Foto: inbusiness.kz

Jeńildikti nesıeleý baǵdarlamasynda aldaǵy ýaqytta qandaı ózgerister kútilýde salalyq komıtet tóraǵasynyń orynbasary Shyńǵys Súıinbaev aıtyp berdi.

Búginde baǵdarlama revolverlik negizde jumys isteıdi jáne aı saıyn 250-300-den astam kólik shyǵady. Degenmen azamattardyń shaǵymdaryn eskere otyryp, baǵdarlama sharttaryn qaıta qaraý josparlandy.

– Bizde 4%-dyq memlekettik baǵdarlama bar, ol jerde kezekke turyp, bankterge habarlasý kerek. Endi ony qaıta qaraımyz, óıtkeni shaǵymdar kóp boldy. Jeńildik ala almaı júrgen kópbalaly otbasylarǵa kóbirek baǵyttaǵymyz keledi. Bankterge quzyrymyz júrmegendikten, naryqtaǵy baǵany retteýge tyrysyp kóremiz. Osy boıynsha senat depýtattary da, májilis depýtattary da máseleni qozǵaǵaly otyr, – dep komıtet ókili aıtyp ótti.

Sondaı-aq, jeńildetilgen nesıe alýda áleýmettik muqtaj azamattarǵa basymdyq berý úshin jalaqy ólshemderin engizý josparlanyp otyr. Bul sheshim de kópshilik arasynda kóteriletin bolady.

Indýstrııa jáne qurylys vıe-mınıstri Oljas Saparbekov baǵdarlamany qaıta qaraý qajettigin aıtyp, onyń ekinshi deńgeıli bankter arqyly jumys isteıtinin naqtylady. 

Onyń aıtýynsha, qarajat áleýmettik qajettilikterge kóbirek bólinip, al baǵdarlamaǵa qosymsha engizý múmkindigi ázirshn qarastyrylmaıdy.

– Biz memlekettik qarajatty áleýmettik mańyzy bar maqsattarǵa baǵyttaý múmkindigin qarastyryp jatyrmyz. Aıyna 200-250 kólik kólemi jetkiliksiz. Biraq bıýdjettik múmkindikter shekteýli ekenin túsinýimiz qajet. Bul aqshany paıdalana alatyn basqa da bastamalar bar. Baǵdarlamaǵa qosymsha ınekııalar josparlanbaıdy, biraq biz aınalymdyq negizde qarajat alamyz, al Qazaqstanda aı saıyn orta eseppen 250-ge jýyq avtokólik satyp alynady,– dep aıtyp ótti óz sózinde Saparbekov.

Aıta ketý kerek baǵdarlama ekinshi deńgeıli bankter arqyly jumys isteıdi, sondyqtan qosymsha aqparat alý úshin osy bank ókilderine júginýge bolady.