جاڭالىقتار
جەڭىس قاسىمبەك: قۇرىلىسى 10 جىلعا سوزىلعان تۇرعىن ءۇي كەشەنى اياقتالدى
فوتو: اشىق دەرەككوز
استانا قالاسىنىڭ اكىمى جەڭىس قاسىمبەك Instagram پاراقشاسىندا قۇرىلىسى ۇزاققا سوزىلعان تۇرعىن ءۇي كەشەنىنىڭ ۇلەسكەرلەرىنە پاتەر كىلتى بەرىلە باستاعانى تۋرالى جازدى دەپ حابارلايدى BAQ.KZ ەلوردا اكىمدىگىنە سىلتەمە جاساي وتىرىپ.
قۇرىلىسى 10 جىلعا سوزىلعان تاعى ءبىر نىساندى اياقتادىق. جەكە قۇرىلىس سالۋشى ۇلەسكەرلەردىڭ قاراجاتىن 2014 جىلى قابىلداي باستاعان, الايدا تۇرعىن ءۇي كەشەنىنىڭ قۇرىلىسى 2015 جىلى توقتاپ قالدى.
سودان بەرى «كورگالجىنسكي كۆارتال» تۇرعىن ءۇي كەشەنىندە پاتەر كىلتىن 280 ۇلەسكەر كۇتىپ ءجۇردى. ونى ەقك-گە تاپسىرۋ كەزىندە نىساننىڭ تەك 60% عانا دايىن بولاتىن. بۇل رەتتە قۇرىلىس ماتەريالدارىنىڭ تابيعي تۇردە ەسكىرۋىنە بايلانىستى كوپتەگەن كونسترۋكتسياسى دەمونتاجدالدى. سول سياقتى ۇيگە تەحنيكالىق تەكسەرۋ جۇرگىزىلىپ, شاتىرى كۇشەيتىلدى ءارى جوندەۋ جۇرگىزىلدى, بارلىق قاباتى سالىندى جانە ت.ب.
بۇگىن ەلوردا كۇنىنە وراي ۇلەسكەرلەرگە پاتەر كىلتىن تاپسىرا باستادىق. قونىس تويى جانە استانا كۇنى قۇتتى بولسىن! – دەپ جازدى جەڭىس قاسىمبەك.
