جەڭىس كۇنىندەگى ولقىلىق: سوعىس ارداگەرىن شەرۋگە كىرگىزبەگەن

فوتو: ۆيدەودان الىندى

كۇنى كەشە استانا قالاسىندا وتكەن اسكەري پارادقا سوعىستا ەڭبەك ەتكەن تىل ارداگەرىن قۇقىق قورعاۋ ورگاندارىنىڭ قىزمەتكەرلەرى كىرگىزبەي قويعان, دەپ حابارلايدى qandastar.kz

بۇل تۋرالى ءانشى زارينا وماروۆا ءوزىنىڭ الەۋمەتتىك جەلىدەگى پاراقشاسىندا ءبولىستى. ايۋىنشا, وسىدان ءبىر جىل بۇرىن ارداگەردى تاكسي كۇتىپ تۇرعان جەرىنەن ۇيىنە اپارىپ تاستاعان ەكەن.

«دوستار, وسىدان 2 جىل بۇرىن ءبىر ارداگەر اتانى كوشەدە تاكسي كۇتىپ تۇرعان جەرىنەن كەزدەستىرىپ, ۇيىنە اپارىپ تاستاعان ەدىم. ءوزى سونداي اشىق-جارقىن, وتە سىپايى كىسى . سول كەزدە 67 جىل بويى نەيروحيرۋرگ بولىپ جۇمىس ىستەگەنىن ايتقاندا تاڭ قالعانمىن – ناعىز ەڭبەك ادامى, ناعىز باتىر ەكەن. بۇگىن Instagram-دا سول كىسىنى كورىپ قالدىم. وكىنىشكە وراي, پارادقا كىرمەي قالعانى جۇرەگىمدى اۋىرتتى… وسىنداي ادامداردى ۇمىتپاۋىمىز كەرەك. ولار – ەلىمىزدىڭ ماقتانىشى», — دەپ جازدى ول.

ۆيدەودا حالىقتىڭ نارازىلىق ءبىلدىرىپ جاتقانىن كورۋگە بولادى. سونداي-اق, جەلىدە دە بۇل جايت ۇلكەن رەزونانس تۋدىرعان.

«بلوگەر سىماقتاردى كىرگىزگەنشە, وسىنداي كىسىلەردى نەگە كىرگىزبەيدى», «جۇرەگىم اۋىرىپ وتىر اتا ءۇشىن», «اتاۋ, ءبىزدىڭ ەلدىڭ ۇرپاقتارىن كەشىرە گور», «كوزىمە جاس كەلىپ تۇر, ۇيات بولدى», «مەرەكە وسى كىسىلەردىكى, ءوزى ساناۋلى-اق قالدى عوي», — دەپ جازدى جەلى قولدانۋشىلارى.