Jeńis kúnindegi olqylyq: Soǵys ardagerin sherýge kirgizbegen

Foto: vıdeodan alyndy

Kúni keshe Astana qalasynda ótken áskerı paradqa soǵysta eńbek etken tyl ardagerin quqyq qorǵaý organdarynyń qyzmetkerleri kirgizbeı qoıǵan, dep habarlaıdy qandastar.kz

Bul týraly ánshi Zarına Omarova óziniń áleýmettik jelidegi paraqshasynda bólisti. Aıýynsha, osydan bir jyl buryn ardagerdi taksı kútip turǵan jerinen úıine aparyp tastaǵan eken.

«Dostar, osydan 2 jyl buryn bir ardager atany kóshede taksı kútip turǵan jerinen kezdestirip, úıine aparyp tastaǵan edim. О́zi sondaı ashyq-jarqyn, óte sypaıy kisi . Sol kezde 67 jyl boıy neırohırýrg bolyp jumys istegenin aıtqanda tań qalǵanmyn – naǵyz eńbek adamy, naǵyz batyr eken. Búgin Instagram-da sol kisini kórip qaldym. О́kinishke oraı, paradqa kirmeı qalǵany júregimdi aýyrtty… Osyndaı adamdardy umytpaýymyz kerek. Olar – elimizdiń maqtanyshy», — dep jazdy ol.

Vıdeoda halyqtyń narazylyq bildirip jatqanyn kórýge bolady. Sondaı-aq, jelide de bul jaıt úlken rezonans týdyrǵan.

«Bloger symaqtardy kirgizgenshe, osyndaı kisilerdi nege kirgizbeıdi», «Júregim aýyryp otyr ata úshin», «Ataý, bizdiń eldiń urpaqtaryn keshire gór», «Kózime jas kelip tur, uıat boldy», «Mereke osy kisilerdiki, ózi sanaýly-aq qaldy ǵoı», — dep jazdy jeli qoldanýshylary.