Jeńistiń 80 jyldyǵyna oraı 4 myń áskerı qyzmetker paradqa qatysady

Foto:gov.kz

Qazaqstandyq buqaralyq aqparat quraldaryna Uly Otan soǵysyndaǵy Jeńistiń 80 jyldyǵyna arnalǵan sherýge daıyndyqtyń barysy kórsetildi, dep jazdy qandastar.kz

Paradtyq eseptoptardyń negizin Qazaqstan Respýblıkasy Qarýly kúshteriniń Qurlyq áskerleri quraıdy. Saltanatty sherýge Memlekettik kúzet qyzmetiniń, IIM Ulttyq ulanynyń, UQK Shekara qyzmetiniń, Tótenshe jaǵdaılar mınıstrliginiń eseptoptary da qatysady.

 – Sherýge qatysýshylardy irikteý kezinde bárine birdeı dene daıyndyǵy, densaýlyq jaǵdaıy, boıy boıynsha qatań talaptar qoıyldy. Barlyq áskerı qyzmetshilerdiń boıynsha Qarýly kúshterge degen maqtanyshqa negizdelgen joǵary motıvaııa bar, – dedi Qurlyq áskerleriniń bas qolbasshysy general-maıor Mereke Kóshekbaev.

Sondaı-aq jýrnalısterge áskerı qyzmetkerler turatyn shatyrly qalashyq, sharýashylyq jabdyqtaý pýnkteri, dalalyq gospıtal kórsetildi.

Tehnıkalyq aımaqta qonaqtarǵa soǵys jyldaryndaǵy tehnıka men zamanaýı jaýyngerlik mashınalardy paradqa daıyndaıtyn mamandardy kórýge de múmkindik berildi.

Is-shara jaýyngerlik tehnıka leginiń ótýmen aıaqtaldy. Olardyń qatarynda áıgili T-34 tankteri jáne ZIS-2 (kalıbri 57 mm) zeńbirekteri bar ZIL-157, M-30 (kalıbri 122 mm) gaýbıalary bar ZIL-157, eseptoptarymen BM-13 «Katıýsha» avtomobılderi bar. Sherýdiń qazirgi bóliginde elimizdiń bas alańy boıynsha «Arlan», «Cobra» saýytty dóńgelekti mashınalary, «Strela-10», «TOR» jáne «BÝK» zenıttik zymyran keshenderi, BTR-82A, «Almaz» jáne «Agat» mobıldi keshenderi, «TEODor» robotehnıkalyq kesheni, eseptik-taldamalyq stanııa kesheni jáne qarý-jaraq pen áskerı tehnıkanyń basqa da joǵary tehnologııalyq úlgileri júrip ótedi.

Esterińizge sala keteıik, Uly Otan soǵysyndaǵy Jeńistiń 80 jyldyǵy men Otan qorǵaýshylar kúnine arnalǵan áskerı sherý dástúrli túrde 7 mamyrda Astanada ótedi.  Oǵan 4000-nan astam áskerı qyzmetshi, 300-den astam qarý-jaraq pen áskerı tehnıka qatysady. Sherýdiń áýe bóligin maıdandyq, armııalyq jáne áskerı-kóliktik avıaııanyń 66 ushý apparaty quraıdy.