جاڭالىقتار
جەر استى دۇمپۋلەرىن زەرتتەۋ جۇمىستارى جالعاسۋدا
الداعى كۇندەرى الماتى اۋماعىندا قاتتى جەر سىلكىنىسى كۇتىلمەيدى. الايدا بۇل بولجامنىڭ ىقتيمالدىعى 70 پروتسەنت.
بۇل تۋرالى بريفينگتە سەيسميكالىق باقىلاۋ مەن زەرتتەۋ ۇلتتىق عىلىمي ورتالىعىنىڭ ماماندارى ايتتى. قازىر شاھاردا جاعداي تۇراقتى. سەيسميكالىق جاعدايدى باعالاۋ جونىندەگى كوميسسيا جۇمىس ىستەۋدە. جەر استى دۇمپۋلەرىن زەرتتەۋ جۇمىستارى جالعاسۋدا.
سونداي-اق,توتەنشە جاعدايلار دەپارتامەنتىنىڭ ماماندارى الەۋمەتتىك جەلىدە تاراعان جالعان قاۋەسەتتەرگە سەنبەي, تەك رەسمي مالىمەتتەرگە سەنۋگە شاقىردى. نۇرسارسەن وزبەكوۆ, سەيسميكالىق باقىلاۋ مەن زەرتتەۋ ۇلتتىق عىلىمي ورتالىعى ديرەكتورىنىڭ عىلىم جونىندەگى ورىنباسارى: — الماتى جۇرتشىلىعى بىلەدى, ءبىز سەيسميكالىق وتە قاۋىپتى ايماقتا تۇرامىز. سوندىقتان دا سىلكىنىس وشاقتارى نە بولماسا, كەز كەلگەن جەر سىلكىنىستەرى ول كەز كەلگەن باسقا وشاقتاردا تۋىنداۋى مۇمكىن.
ول ءۇشىن باسقا دا وشاقتارداعى سىلكىنىس جاعدايىن, سىلكىنىس احۋالىق قاداعالاۋىمىز كەرەك. قازىرشە, ءبىزدىڭ قولىمىزداعى بار دەرەكتەر بويىنشا ونداي الاڭدايتىن, ابىرجۋ تۋعىزاتىنداي دەرەكتى دايەكتەر جوق.
