Jer telimi buıyrýy ǵajap emes: Bolat Nazarbaevtyń murasyna kim talaspaq?

Foto: ashyq derekkóz

Eks-prezıdent Nursultan Nazarbaevtyń inisi Bolat Nazarbaev qaıtys bolǵannan keıin kóp uzamaı onyń múlkine talas bastalyp ketken-di. Notarıýsqa baryp, muragerlik quqyǵyn jarııalaǵandar tizimde «Eń baı santehnık» atanǵan Bolat Nazarbaevtyń kóz jumǵan sátindegi zańdy áıeli Dınara Mámetekova men 14 balasy bar, dep habarlaıdy Qandastar.kz @yyedilov kanalyna silteme jasap.

Ázirge resmı tirkelgen muragerlerdiń sany osynshama. Alaıda onyń sany budan da ósýi ǵajap emes. Sebebi, qarapaıym santehnıkten mıllıarderge deıin ósken marqumnyń Qazaqstanda da, basqa memlekette de dáýleti bolǵany eshkimge qupııa emes.

Bolat Nazarbaevtyń 36 jastaǵy áıeli Dınara marqum kúıeýiniń balalarynyń sany 20-ǵa jýyqtaıtynyn aıtqan. Ol kúıeýiniń kóbisin umytyp qalǵanyn da jetkizgen. Alaıda árqaısynyń atyn, tipti týǵan kúnine deıin jazyp alǵanyn aıtty.

Aıta keteıik, Bolat Nazarbaev murasynyń eń qomaqty bóligine Nurbol Nazarbaev ıe. Alaıda biraz aktıvtiń kezinde zańsyz qoldy bolǵany dáleldenip, marqumnyń biraz múlki memleketke qaıtarylýda. Sondyqtan muragerlerge jer telimi, ne úı ǵana buıyryp qalýy ǵajap emes.