JER, TIL, ULT máselesi — aqshamen baǵalanbaıdy!

2016-2018 jyldary Jer komıssııasy múshesi retinde óz júrgen-turǵanyma, bireýden bir tıyn alǵan emespin!

Jazylǵan jazbalaryma, kótergen máselelerime eshkimnen qarajat almaǵanmyn dep Eldiń aldynda ashyq aıta alamyn!

Al eger meniń atymdy paıdalanyp Muhtar Taıjan Úkimetten aqsha alǵan bolsa, QR Sybaılas jemqorlyqqa qarsy qyzmeti tergep-tekserýdi suraımyn!

Bul máseleni nege búgin kóterip otyrǵanymdy surasańyzdar, aıtaıyn!

Sebebi eki kún buryn Muhtar aǵam óz suhbattarynda “lobbılik qyzmeti” úshin aqsha alyp otyrǵanyn aıtty.

Jer máselesin kóterip júrgen barlyq komıssııa músheleri sondaı dep oılamas úshin, Halyq aldynda júzimdi ashyp alǵandy jón kórip otyrmyn!

“Eldiń aldynda júrgen belsendiler “zakazǵa” jazady”, “zakaz” oryndaıdy”, “bireýdiń múdessin aqsha úshin madaqtap-maqtaıdy” degen alyp-qashpa áńgimeler osyndaı kisilerdiń arqasynda shyǵatynyna kózim jetti…

“Mal alasy — syrtynda, Adam alasy — ishinde”demekshi, bul aǵalarymyzdyń “Jer máselesi”, kezinde jeke óz paıdasyn oılap júrgeni — rasynda, júrekti aýyrtty!

Jalpy Muhtar aǵamnyń “betperdesi” Badamda Qytaı zaýyty salynaıyn dep jatyr dep kómek suraǵan kezimde sheshilgen. Sodan keıin-aq, ózimdi ol kisiden alys ustaýdy jón sanaǵanmyn.

Jalpy kásipker, ıá óz qyzmetine aqy alý kerek, biraq Ulttyq múde aqshaǵa satylmaý kerek!

Osyny kez kelgen El aldynda “atoılap” júrgen belsendiler bilip júrińder!

Jer, Til, Ult máselesin óz paıdasyna paıdalanyp, aqsha jasap júrgen ADAM — men úshin Elin satatyn SATQYN!

Aıgúl Orynbek Facebook paraqshasynan