جەتى ايلىق: پاريج وليمپياداسىندا ەكىقابات سپورتشى جارىس الاڭىنا شىققان

فوتو: اشىق دەرەككوز

سەمسەرلەسۋدەن مىسىر قۇراماسىنىڭ سپورتشىسى نادا حافەز پاريج وليمپياداسىنا جۇكتىلىگىنىڭ جەتىنشى ايىندا قاتىسىپ, 1/8 فينالعا دەيىن جەتكەن. بىراق سپورتشى 1/8 فينالدا وڭتۇستىك كورەيا ەلىنىڭ وكىلى چون حايۋنگتەن 7:15 ەسەبىمەن ۇتىلىپ قالدى, دەپ حابارلايدى Skifnews.kz اقپارات پورتالى. 

نادا حافەز بۇل جەڭىلىسىنەن كەيىن Instagram جەلىسىندەگى رەسمي پاراقشاسىندا جازبا جاريالاپ, وليمپياداعا جۇكتىلىگىنىڭ جەتىنشى ايىندا ەكەنىن مويىندادى.

“راسىندا, ءبىز جارىس جولىندا ءۇش ادام بولدىق! مەن, قارسىلاسىم جانە ءالى دۇنيەگە كەلمەگەن بالام! قۇرساعىمداعى بالام ەكەۋىمىز فيزيكالىق جانە ەميوتسينالدىق تۇرعىدان كوپ قينالدىق. مەن بۇل جازبانى ءدال وسى كۇيدە 1/8 فينالعا دەيىن جەتكەنىمدى ماقتان تۇتىپ جازىپ وتىرمىن. مەن قاتىسقان بۇل ءۇشىنشى وليمپيادا ەرەكشە بولدى. ويتكەنى بۇل جولى مەن كىشكەنتاي وليمپياداشىنى الىپ كەلدىم», – دەدى سەمسەرشى.

ايتا كەتەيىك, سەمسەرلەسۋدەن قازاقستان قۇراماسىنىڭ سپورتشىسى ايگەرىم سارىباي پاريج وليمپياداسىندا فرانتسيالىق مانون بريۋنەگە ەسە جىبەرگەن ەدى.