Jeti aılyq: Parıj Olımpıadasynda ekiqabat sportshy jarys alańyna shyqqan

Foto: ashyq derekkóz

Semserlesýden Mysyr quramasynyń sportshysy Nada Hafez Parıj olımpıadasyna júktiliginiń jetinshi aıynda qatysyp, 1/8 fınalǵa deıin jetken. Biraq sportshy 1/8 fınalda Ońtústik Koreıa eliniń ókili Chon Haıýngten 7:15 esebimen utylyp qaldy, dep habarlaıdy Skifnews.kz aqparat portaly. 

Nada Hafez bul jeńilisinen keıin Instagram jelisindegi resmı paraqshasynda jazba jarııalap, olımpıadaǵa júktiliginiń jetinshi aıynda ekenin moıyndady.

“Rasynda, biz jarys jolynda úsh adam boldyq! Men, qarsylasym jáne áli dúnıege kelmegen balam! Qursaǵymdaǵy balam ekeýimiz fızıkalyq jáne emıoınaldyq turǵydan kóp qınaldyq. Men bul jazbany dál osy kúıde 1/8 fınalǵa deıin jetkenimdi maqtan tutyp jazyp otyrmyn. Men qatysqan bul úshinshi Olımpıada erekshe boldy. О́ıtkeni bul joly men kishkentaı olımpıadashyny alyp keldim», – dedi semsershi.

Aıta keteıik, semserlesýden Qazaqstan quramasynyń sportshysy Áıgerim Sarybaı Parıj olımpıadasynda franııalyq Manon Brıýnege ese jibergen edi.