Jeti jasar oqýshy halyqaralyq olımpıadada top jardy

Foto: Astana ákimdigi

Astana qalasy №81 Astana English school halyqaralyq mektebiniń 1-synyp oqýshysy Nurlan Baqdaýlet halyqaralyq «StemCo» halyqaralyq olımpıadasyna qatysyp altyn medal ıelendi, sol sııaqty 4-synyp oqýshysy Zere Aqbolat úshinshi orynǵa ıe bolyp, qola medal enshiledi, dep habarlaıdy  qandastar.kz

Alǵashqy onlaın kezeńnen súrinbeı ótken jeti jastaǵy oqýshy Sıngapýr qalasynda ótetin fınaldyq kezeńge joldama aldy.

О́tken jyly ǵana mektep tabaldyryǵyn attaǵan Nurlan Baqdaýlet «Matematıka jáne science» páni boıynsha úzdik nátıje kórsetip, qarsylastary ishinen oza shaýyp, birinshi orynǵa taban tirep, elimizdiń atyn asqaqtatty.

Al el namysyn qorǵaǵan Zere Aqbolat «Jaratylystaný» páni boıynsha baq synap, qola medal enshiledi.