«جەتى جىلدان بەرى ءتۇرلى سىناقتى كورىپ كەلەدى»: قايرات نۇرتاستىڭ كەلىنى قولداۋ بىلدىرگەن حالىققا العىس ايتتى

فوتو: harpersbazaar.kz

ۇشاقتا توبەلەسىپ, 15 تاۋلىككە قامالعان قايرات نۇرتاسقا كەلىنى, بلوگەر ايگەرىم ساركەنوۆا قولداۋ ءبىلدىردى. بۇل تۋرالى Stan.kz اقپارات اگەنتتىگى حابارلايدى.

بلوگەر – ونەر يەسىنىڭ كەنجە ءىنىسى ايان نۇرتاستىڭ كەلىنشەگى, اۋلەتتەگى ورتانشى كەلىن.

“بۇگىندە وتباسىمىزعا جاقىن جانداردان بولەك, بەيتانىس ادامدار دا قولداۋ ءبىلدىرىپ جاتىر. بارىڭىزگە العىسىم شەكسىز. كەزەكتى سىناق دەپ قابىلدايمىز. وسى جەتى جىل ىشىندە اعامىزدىڭ باسىنان كوپتەگەن اۋىر ءارى ادىلەتسىز جاعدايلار ءوتتى. سىناقتارعا قارسى يممۋنيتەتى قالىپتاسىپ كەتكەن. ول كىسىگە قاراعاندا اتا-انامىز قاتتى ۋايىمداپ وتىر. ءوز ەلىڭدى مويىنداتۋ وڭاي ەمەس ەكەنىن ەندى ءتۇسىندىم. اعامىز جايلى ەل اراسىندا ءتۇرلى نەگاتيۆ پەن داۋلى ماسەلەلەر ايتىلىپ جاتسا دا, ول ونىڭ ەشبىرىنە ءمان بەرمەي, بارىن سالىپ ەڭبەكتەنىپ, حالىققا ءوزىن دالەلدەپ تاستادى. ول كىسىدەن ۇيرەنەتىن جاقسى قاسيەتى بار. اعامىز باسىنا قانداي جاعداي تۇسپەسىن اركەز ءبارىن جىميىپ قارسى الادى. ومىرلىك سىناقتاردى سابىرمەن ەڭسەرەدى. اعا, سىزگە تەك زور دەنساۋلىق تىلەگىم كەلەدى. امان بولىڭىزشى», – دەپ جازدى جۇلدىزدى كەلىن.

جەلى قولدانۋشىلارى بلوگەردىڭ جازباسىنا ريزا بولىپ, جىلى پىكىرلەر جاۋدىرىپ جاتىر.

“گۇلزيرانىڭ وسى كەلىنى اقىلدى. جۇلدىز قايراتتان اسىپ تۇسەمىن دەپ قايدا قالعانىن بىلمەي قالدى. جىبەگى اجىراسىپ كەتىپ, قازىر كوۋچ بولىپ, ەلگە اقىل ۇيرەتىپ ءجۇر”, “ايگەرىمنىڭ اتا-اناسى وتە تاربيەلى جاندار”, “قايراتتى وتە قاتتى جاقسى كورەمىز”, “مىنە, اۋلەتكە سىڭگەن كەلىن وسىنداي بولادى”, – دەپ جازدى وقىرمان قاۋىم.

ايتا كەتەيىك, «بالالارعا اۋىر ءتيىپ جاتىر» دەپ جۇلدىز ابدىكارىموۆا 15 تاۋلىككە قامالعان قايرات نۇرتاسقا قاتىستى پىكىر بىلدىرگەن ەدى.