«Jeti jyldan beri túrli synaqty kórip keledi»: Qaırat Nurtastyń kelini qoldaý bildirgen halyqqa alǵys aıtty

Foto: harpersbazaar.kz

Ushaqta tóbelesip, 15 táýlikke qamalǵan Qaırat Nurtasqa kelini, bloger Áıgerim Sárkenova qoldaý bildirdi. Bul týraly Stan.kz aqparat agenttigi habarlaıdy.

Bloger – óner ıesiniń kenje inisi Aıan Nurtastyń kelinshegi, áýlettegi ortanshy kelin.

“Búginde otbasymyzǵa jaqyn jandardan bólek, beıtanys adamdar da qoldaý bildirip jatyr. Bárińizge alǵysym sheksiz. Kezekti synaq dep qabyldaımyz. Osy jeti jyl ishinde aǵamyzdyń basynan kóptegen aýyr ári ádiletsiz jaǵdaılar ótti. Synaqtarǵa qarsy ımmýnıteti qalyptasyp ketken. Ol kisige qaraǵanda ata-anamyz qatty ýaıymdap otyr. О́z elińdi moıyndatý ońaı emes ekenin endi túsindim. Aǵamyz jaıly el arasynda túrli negatıv pen daýly máseleler aıtylyp jatsa da, ol onyń eshbirine mán bermeı, baryn salyp eńbektenip, halyqqa ózin dáleldep tastady. Ol kisiden úırenetin jaqsy qasıeti bar. Aǵamyz basyna qandaı jaǵdaı túspesin árkez bárin jymıyp qarsy alady. О́mirlik synaqtardy sabyrmen eńseredi. Aǵa, sizge tek zor densaýlyq tilegim keledi. Aman bolyńyzshy», – dep jazdy juldyzdy kelin.

Jeli qoldanýshylary blogerdiń jazbasyna rıza bolyp, jyly pikirler jaýdyryp jatyr.

“Gúlzıranyń osy kelini aqyldy. Juldyz Qaırattan asyp túsemin dep qaıda qalǵanyn bilmeı qaldy. Jibegi ajyrasyp ketip, qazir koých bolyp, elge aqyl úıretip júr”, “Áıgerimniń ata-anasy óte tárbıeli jandar”, “Qaıratty óte qatty jaqsy kóremiz”, “Mine, áýletke sińgen kelin osyndaı bolady”, – dep jazdy oqyrman qaýym.

Aıta keteıik, «Balalarǵa aýyr tıip jatyr» dep Juldyz Ábdikárimova 15 táýlikke qamalǵan Qaırat Nurtasqa qatysty pikir bildirgen edi.