جەتىم بالانى ءۇي كەزەگىنە قويماعان مەملەكەتتىك ورگان جاۋاپقا تارتىلدى

فوتو: اشىق دەرەككوز

32 جاستاعى استانا تۇرعىنى 7 جاستان باستاپ جەتىم جانە اتا-اناسىنىڭ قامقورلىعىنسىز قالعان بالالارعا ارنالعان مەكتەپ-ينتەرناتتا تاربيەلەنىپ, سوندا تۇرعان, دەپ جازدى qandastar.kz

بۇگىنگى كۇنى ونىڭ قازاقستاندا باسپاناسى جوق, بىراق تۇراقتى جۇمىس ورنى بار جانە ەلوردادا تىركەلگەنىنە 7 جىلدان اسادى.

2019 جىلى قالالىق تۇرعىن ءۇي جانە تۇرعىن ءۇي ينسپەكتسياسى باسقارماسى مەن استانا اكىمدىگى ونى «kezekte.kz» پورتالى ارقىلى ءوتىنىش تولتىرۋ قاجەتتىگىن العا تارتىپ, تۇرعىن ءۇي كەزەگىنە قويۋدان باس تارتقان.

بىراق بۇل پورتال دا جاس ولشەمدەرىنە سايكەس كەلمەگەندىكتەن ونىڭ قۇجاتتارىن قابىلداماعان.

جاس جىگىت كوممۋنالدىق تۇرعىن ءۇي قورىنان تۇرعىن ءۇي الۋعا تىركەۋگە قويۋدى, تۇرعىن ءۇيدى كەزەگىمەن العانعا دەيىن ۋاقىتشا جالعا بەرۋدى قامتاماسىز ەتۋدى تالاپ ەتىپ, باسقارما مەن قالا اكىمدىگىنە تالاپ قويۋمەن سوتقا جۇگىنگەن.

استانا ءمااس-ى جانە اپەللياتسيا تالاپ قويۋدى قاناعاتتاندىرعان.

جاۋاپكەرلەر بۇل شەشىمگە كاسساتسيالىق تارتىپتە شاعىم تۇسىرگەن.

جوعارعى سوتتىڭ اكىمشىلىك ىستەر جونىندەگى سوت القاسى ء(اىجسا) ءىس ماتەريالدارىن زەردەلەي كەلە, تالاپ قويۋشى مەملەكەتتىك تۇرعىن ءۇي قورىنان تۇرعىن ۇيگە مۇقتاجداردى استانا قالاسىندا – كەمىندە ءوزىنىڭ تۇراقتى تۇرعىلىقتى جەرى بويىنشا كەمىندە 3 جىل بولعاندىقتان تىركەۋگە قۇقىلى ەكەنىن كورسەتتى.

2016 جىلدان بەرى ول استانا قالاسىندا باسقا ادامنىڭ ساياجايىندا تۇرىپ جاتىر جانە «kezekte.kz» پورتالىنىڭ تەحنيكالىق مۇمكىندىكتەرىنە بايلانىستى زاڭدى تۇردە تىركەلۋ قۇقىعىن پايدالانا المايدى.

تالاپ قويۋشىنىڭ 2019 جىلدىڭ 1 ساۋىرىنەن باستاپ تىركەۋ ماسەلەسى بويىنشا جاۋاپكەرگە قايتالاپ ارىز بەرگەنى تۋرالى ۋاجدەرى قاناعاتتاندىرىلدى.

جاۋاپكەر تالاپ قويۋشىنىڭ ۋاجدەرىن جوققا شىعارعان جوق.

وسىعان بايلانىستى ءاىجسا تۇرعىن ءۇي باسقارماسى مەن قالالىق تۇرعىن ءۇي ينسپەكتسياسىنا تالاپ قويۋشىنى «جەتىم بالالار, اتا-اناسىنىڭ قامقورلىعىنسىز قالعان بالالار» ساناتى بويىنشا 2019 جىلدىڭ 1 ساۋىرىنەن باستاپ مەملەكەتتىك تۇرعىن ءۇي قورىنان تۇرعىن ۇيگە مۇقتاجدار رەتىندە تىركەۋ مىندەتىن جۇكتەگەن جەرگىلىكتى سوتتارمەن كەلىستى.