«جەتىسۋ» كلۋبى ازيا چەمپيوندار ليگاسىندا توپ جاردى

فوتو: volleyball.kz

فيليپپيندە وتكەن ايەلدەر كوماندالارى اراسىنداعى ازيا چەمپيوندار ليگاسىندا قازاقستاننىڭ «جەتىسۋ» كلۋبى توپ جاردى, دەپ حابارلايدى qandastar.kz

Asianvolleyball.net مالىمەتىنشە, فينالدا ولار ۆەتنامنىڭ «Vtv Binh Dien Long An» كومانداسىن 3:1 ەسەبىمەن (25:14, 20:25, 25:23, 25:18) جەڭدى.

بۇعان دەيىن بۇل تۋرنيردە قازاقستان اتىنان «راحات» (الماتى), «التاي» (وسكەمەن) جانە «قۋانىش» (سولتۇستىك قازاقستان وبلىسى) كلۋبتارى چەمپيون اتانعان بولاتىن. وسىلايشا, «جەتىسۋ» ەلىمىزدىڭ ايەلدەر ۆولەيبولى تاريحىنداعى ۇزدىك ءداستۇردى جالعاستىردى.

ەندى تالدىقورعاندىق كوماندا ءوز تاريحىندا العاش رەت قىركۇيەك ايىندا تايلاندتا وتەتىن كلۋبتىق الەم چەمپيوناتىنا قاتىسۋعا مۇمكىندىك الدى.