«Jetisý» klýby Azııa chempıondar lıgasynda top jardy

Foto: volleyball.kz

Fılıppınde ótken áıelder komandalary arasyndaǵy Azııa chempıondar lıgasynda Qazaqstannyń «Jetisý» klýby top jardy, dep habarlaıdy qandastar.kz

Asianvolleyball.net málimetinshe, fınalda olar Vetnamnyń «Vtv Binh Dien Long An» komandasyn 3:1 esebimen (25:14, 20:25, 25:23, 25:18) jeńdi.

Buǵan deıin bul týrnırde Qazaqstan atynan «Rahat» (Almaty), «Altaı» (О́skemen) jáne «Qýanysh» (Soltústik Qazaqstan oblysy) klýbtary chempıon atanǵan bolatyn. Osylaısha, «Jetisý» elimizdiń áıelder voleıboly tarıhyndaǵy úzdik dástúrdi jalǵastyrdy.

Endi taldyqorǵandyq komanda óz tarıhynda alǵash ret qyrkúıek aıynda Taılandta ótetin klýbtyq álem chempıonatyna qatysýǵa múmkindik aldy.