جاڭالىقتار
جەتىسۋ وبلىسىندا 11 كۇن بۇرىن جوعالىپ كەتكەن 3 جاسار بالا ءولى تابىلدى
فوتو: تجد
جەتىسۋ وبلىسىندا 11 كۇن بۇرىن كوكسۋ اۋىلىندا جوعالىپ كەتكەن 3 جاسار بالانىڭ دەنەسى تابىلدى, – دەپ حابارلايدى Massaget.kz تىلشىسى.
ءوڭىر پوليتسياسىنىڭ مالىمەتىنشە, ىزدەۋدە جۇرگەن بالا مۇقانشى وزەنىنە باتىپ كەتكەن, ونىڭ دەنەسىن ىزدەستىرۋ توپتارى تاۋىپ العان.
«جوعالعان بالانى ىزدەۋ جۇمىستارى اياقتالعانى تۋرالى حابارلاۋعا ءماجبۇرمىز. وكىنىشكە قاراي, كۇدىكتەرىمىز راستالدى. بالانىڭ دەنەسى مۇقانشى وزەنىنەن تابىلدى. پوليتسيا دەپارتامەنتى مارقۇمنىڭ وتباسىنا كوڭىل ايتادى. بارلىق ەرەسەكتەردى (اتا-انالار مەن قامقورشىلاردى) بالالارعا مۇقيات بولۋعا, ولاردى قاراۋسىز قالدىرماۋعا شاقىرامىز. ءسىزدىڭ زەيىنىڭىز بەن قامقورلىعىڭىز وسىنداي قايعىلى وقيعالاردىڭ الدىن الۋعا ىقپال ەتۋى مۇمكىن»,- دەپ حابارلادى وبلىس پد ءباسپاسوز قىزمەتى.
ەسكە سالايىق, 3 جاسار الديار 7 قىركۇيەكتە جوعالىپ كەتتى, ونى سوڭعى رەت جەتىسۋ وبلىسى كوكسۋ اۋدانى كوكسۋ اۋىلىنداعى ءۇيىنىڭ اۋلاسىندا كورگەن. ءسابيدى ىزدەۋگە 400-دەن استام ادام جۇمىلدىرىلعان.
