جاڭالىقتار
جەتىسۋ وبلىسىندا «تازا قازاقستان» اياسىندا 20 مىڭنان استام كوشەت ەگىلدى
جەتىسۋ وبلىسىندا «تازا قازاقستان» اكتسياسى اياسىندا 20 مىڭنان استام كوشەت ەگىلدى.
ناتيجەسىندە اۋدان, قالالاردا شاعىن ساياباق پايدا بولىپ, كوشەلەر كوگالداندىرىلدى.
يگى شاراعا مەديتسينا قىزمەتكەرلەرى دە اتسالىسىپ جاتىر. «جاسىل اعاش» اپتالىعى اياسىندا پەرزەنتحانا مەن فتيزيوپۋلمونولوگيا ورتالىعىنىڭ ۇجىمى 200 ءتۇپ قىلقانجاپىراقتى اعاش وتىرعىزدى. شارۋاشىلىققا جاۋاپتى جۇمىسشىلار ەندى جاسىل جەلەكتى تۇراقتى تۇردە سۋعارىپ, ونىڭ قۋراپ كەتپەۋىن قاداعالايتىن بولادى.
دارىگەرلەر مەن مەيىربيكەلەر دە ءوز قولىمەن ەككەن قاراعاي مەن شىرشانى كۇتىپ باپتاۋعا بەل بۋدى. ايدا زاحانوۆا, فتيزيوپۋلمونولوگيا ورتالىعىنىڭ باس دارىگەرى: — ەڭ ءبىرىنشى ءبىزدىڭ دەنساۋلىققا اسەر ەتەتىن تازا اۋا. سوندىقتان جالعىز ەم ناۋقاسقا ەم بولمايدى.
ەگەر قورشاعان اۋلامىز تازا بولماسا. سوندىقتان بۇل وتە ماڭىزدى ەكولوگيامىزدىڭ تازا بولۋى. سول ناۋقاسىمىزعا بۇل دا وڭ ناتيجە بەرەدى.
