جاڭالىقتار
جەتىسۋ وبلىسىنىڭ تۇرعىنى Orda.kz باس رەداكتورى قىسىم جاسادى دەپ ايىپتادى
جەتىسۋ وبلىسىنىڭ تۇرعىنى ارىنعازى سىزدىقوۆ بەلگىلى جۋرناليست, Orda.kz سايتىنىڭ باس رەداكتورى گۇلنار باجكەنوۆانىڭ وزىنە ءبىر جىلدان بەرى قىسىم كورسەتىپ كەلە جاتقانىن ايتىپ, ونى قىلمىستىق جاۋاپكەرشىلىككە تارتۋدى تالاپ ەتتى, دەپ جازدى qandastar.kz
سىزدىقوۆتىڭ ايتۋىنشا, رەداكتور ار-نامىسىنا تيەتىن ماتەريالدار جاريالاپ, سوت شەشىمىنە قاراماستان ارەكەتىن جالعاستىرعان.
«جىل باسىندا قاراتاۋ اۋدانىندا بالىقشىلارمەن كەزدەسۋدەن كەيىن Orda.kz مەن تۋرالى جالعان اقپارات تاراتتى. مەن سوتقا جۇگىندىم, سۋديا ونىڭ جازعانىن زاڭسىز دەپ شەشتى. الايدا بيىل 60 جاسىمدى اتاپ وتكەندە تاعى دا مەن تۋرالى تەرىس ماتەريال جاريالادى», — دەدى ول ۆيدەوۇندەۋدە.
Dalanews.kz حابارلاعانداي, اقساقال قۇقىق قورعاۋ ورگاندارىنان كومەك سۇراپ, ءوزىن قورعاۋدى تالاپ ەتتى. ونىڭ جۇبايى دا سوڭعى ءبىر جىلدا مورالدىق قىسىم كورىپ, دەنساۋلىعىنا زيان كەلگەنىن جەتكىزدى.
