Jetisý oblysynyń turǵyny Orda.kz bas redaktory qysym jasady dep aıyptady

Jetisý oblysynyń turǵyny Arynǵazy Syzdyqov belgili jýrnalıst, Orda.kz saıtynyń bas redaktory Gúlnar Bajkenovanyń ózine bir jyldan beri qysym kórsetip kele jatqanyn aıtyp, ony qylmystyq jaýapkershilikke tartýdy talap etti, dep jazdy qandastar.kz

Syzdyqovtyń aıtýynsha, redaktor ar-namysyna tıetin materıaldar jarııalap, sot sheshimine qaramastan áreketin jalǵastyrǵan.

«Jyl basynda Qarataý aýdanynda balyqshylarmen kezdesýden keıin Orda.kz men týraly jalǵan aqparat taratty. Men sotqa júgindim, sýdıa onyń jazǵanyn zańsyz dep sheshti. Alaıda bıyl 60 jasymdy atap ótkende taǵy da men týraly teris materıal jarııalady», — dedi ol vıdeoúndeýde.

Dalanews.kz habarlaǵandaı, aqsaqal quqyq qorǵaý organdarynan kómek surap, ózin qorǵaýdy talap etti. Onyń jubaıy da sońǵy bir jylda moraldyq qysym kórip, densaýlyǵyna zııan kelgenin jetkizdi.