Jetisýda áıelin uryp óltirgen er adam ustaldy

Jetisý oblysynda áıeli Aızat Maratqyzynyń ólimine kúdikti er adamǵa qatysty qylmystyq is qozǵaldy. Oqıǵa 21 maýsymnan 22 maýsymǵa qaraǵan túni Aqsý aýdanynyń Balasaz aýylynda bolǵan, dep habarlaıdy Qandastar.kz.

Marqumnyń ápkesi Raýshan Darymbekovanyń aıtýynsha, Aızat kúıeýiniń soqqysynan kóz jumǵan. Oqıǵadan keıin er adam aldymen áıelin ata-anasynyń úıine aparyp, keıin medıınalyq kómek qajet bolǵan soń Jansúgirov aýdandyq aýrýhanasyna jetkizgen. Alaıda, atalǵan aýrýhanada jóndeý jumystary júrgizilip jatqandyqtan, Aızat Taldyqorǵan qalasyna tasymaldanǵan. Degenmen, medıınalyq qorytyndyǵa sáıkes, ol kezde áıeldiń tirshilik belgileri bolmaǵan.

Marqumnyń týystary onyń denesi sot-medıınalyq saraptamasyz máıithanadan shyǵarylǵanyn aıtady. Olardyń sózinshe, Aızattyń denesinde kóptegen kógergen izder men ashyq jaralar bolǵan, bul – turmystyq zorlyq-zombylyqtyń aıǵaǵy. Qaıtys bolǵan áıeldiń ápkesi ádil tergeý júrgizilip, kináli adamnyń jazalanýyn talap etedi. Ol sondaı-aq Aızattyń ata-anasy men eki jasqa tolmaǵan kishkentaı qyzy qalǵanyn aıtty.

Oblystyq polıııa departamenti kúdiktiniń ustalyp, ýaqytsha ustaý ızolıatoryna qamalǵanyn, qylmystyq istiń qozǵalǵanyn rastady. Qazirgi ýaqytta sotqa deıingi tergeý júrgizilýde, alaıda istiń tolyq mán-jaıy jarııa etilmeı otyr.