Bilim

Jetisýda bilim salasynyń qyzmetkerleri sottaldy

Foto: ashyq derekkóz

Jetisý oblysynda bilim bóliminiń býhgalterleri qyzmetkerlerdiń shotyna belgilengen jalaqydan artyq aýdarý arqyly 1,6 mıllıard teńge bıýdjet qarajatyn jymqyrǵan. Bas býhgalter 8 jylǵa sottaldy, dep habarlaıdy http://qandastar.kz

Sybaılas jemqorlyqqa qarsy agenttiktiń málimetinshe, bir top qyzmetkerler laýazymdaryn paıdalanyp aqsha jymqyrý úshin túrli tásil qoldanǵan.

“Qurmanǵalıeva, Qalabaeva, Muratova jáne Taken bilim bólimi qyzmetkerleriniń shottaryna belgilengen jalaqydan artyq aýdarý jolymen 1,6 mıllıard teńge somasynda bıýdjet qarajatyn jymqyrǵany úshin kináli dep tanyldy.

Balǵabaeva, Qalabaeva balabaqshada aýdıt júrgizbeý syltaýymen olardyń aqshalaı qarajatyn ıemdengen Japabaevqa para berýge oqtalǵany úshin kináli dep tanyldy.

Taldyqorǵan qalalyq soty «Sarqan aýdany boıynsha bilim bólimi» MM bas býhgalteri K.Qurmanǵalıevaǵa, sol bólimniń býhgalterleri A.Muratova men A.Qalabaevaǵa, «Qazposhta» AQ aýdandyq ýchaskesiniń bastyǵy A.Takenge, «Aıdana» bóbekjaı-baqshasy meńgerýshisiniń m.a. N.Balǵabaevaǵa jáne Jetisý oblysy IMAB kameraldyq baqylaý bóliminiń basshysy Ý.Japabaevqa qatysty úkim shyǵardy”, – delingen habarlamada.

Sot úkimimen Qurmanǵalıevaǵa 8 jyl, Qalabaeva, Muratova jáne Takenge 7 jyl bas bostandyǵynan aıyrý jazasy taǵaıyndaldy.

“Balǵabaeva men Japabaevqa tıisinshe 1,2 mıllıon teńge jáne 1 mıllıon teńge aıyppul salyndy. Sonymen qatar sottalǵandar memlekettik qyzmette jáne kvazımemlekettik sektor sýbektilerinde ómir boıy qyzmet atqarý quqyǵynan aıyryldy”, – delingen habarlamada.

Ilmekter

Osy aıdarda

Dobavıt kommentarıı

Close