جاڭالىقتار
جەتىسۋدا فەلدشەر شاقىرۋشىعا اتپەن بارعان
فوتو: ينستاگرام
جەتىسۋ وبلىسى اقسۋ اۋدانىندا فەلدشەر شالعاي اۋىلداردىڭ بىرىندە مەديتسينالىق كومەككە ءزارۋ ايەلگە كولىكپەن جەتە الماي, اتپەن باردى. وعان تولاسسىز جاۋعان جاڭبىر سەبەپ بولعان, دەپ حابارلايدى qandastar.kz
وبلىستىق دەنساۋلىق باسقارماسىنىڭ Instagram جەلىسىندەگى پاراقشاسىندا جەرگىلىكتى تۇرعىننىڭ فەلدشەردى اتپەن كۇتىپ العان ساتىنەن ۆيدەو جاريالاندى.
«تولاسسىز جاۋعان جاڭبىر سالدارىنان جول ءجۇرۋ قيىنداپ, جەدەل جاردەم اۋىلعا جەتە الماي قالدى. سالت اتتى جەرگىلىكتى تۇرعىن فەلدشەرگە كومەككە كەلدى.
فەلدشەر وزىمەن بىرگە مەديتسينالىق قوبديشاسىن الىپ, اتقا مىنگەستى. جىلقى سۋ شايعان جولمەن مەديتسينا قىزمەتكەرىن اۋىلعا جەتكىزدى. ناۋقاستى تاسىمالداۋعا باسقا دا ارنايى قىزمەتتەر جۇمىلدىرىلدى. بىرلەسكەن ءىس-ارەكەت پەن جەرگىلىكتى تۇرعىننىڭ قامقورلىعىنىڭ ارقاسىندا ايەل وبلىستىق اۋرۋحاناعا جەتكىزىلدى. بۇل وقيعا توتەنشە جاعدايدا ءوزارا كومەك پەن جەدەل ارەكەت ەتۋدىڭ ماڭىزدىلىعىن كورسەتەدى», — دەلىنگەن حابارلامادا.
