جەتىسۋلىق وقۋشىلار ورتكە قارسى قۇرىلعى ويلاپ تاپتى

جاس عالىمدار جاسامپاز ارەكەتى كوڭىل سۇيىندىرەدى. وقۋشىلاردىڭ حالىقارالىق ءبىلىم دوداسىندا توپ جارىپ, جەتىسۋلىقتاردىڭ ابىرويىن كوتەردى. ءتىپتى روبوتوتەحنيكا سالاسىنىڭ ماماندارى جوعارى باعالاپ, الداعى جوسپارلارىنا ساتتىلىك تىلەگىن. ورتكە قارسى قۇرىلعى گازدىڭ قىسىمىن كورسەتىپ, الدىن الا ادامدارعا ەسكەرتەدى. بۇل وسى سالاداعى ماماندار ءۇشىن قولايلى قۇرىلعى بولماق. قازىر جوبانى جانداندىرۋ جۇمىستارى ءجۇرىپ جاتىر.

اتالعان تەحنيكا اۋاعا تارالعان كوگىلدىر وتىندى بىردەن انىقتايدى. بۇل ءوز كەزەگىندە ادامداردى ۋلاۋدان ساقتاپ, ءورت قاۋىپسىزدىگىن كۇشەيتەدى. گاز جەلىسىنىڭ اقاۋىن جىلدام تاۋىپ الۋعا دا مۇمكىندىك بەرەدى. تۇرعىنداردىڭ دا قاۋىپسىزدىگىنە كەپىل بولا الادى.

بۇگىندە جوبالارىمىزدى وسى سالاداعى جاۋاپتى مينيسترلىكتەرگە ۇسىنىپ قويدىق. ولاردىڭ جاۋابىن كۇتىپ وتىرمىز. كەلەشەكتە قولعا العان جۇمىسىمىز ەلىمىزدى عانا ەمەس, الەمدى دە قىزىقتىرادى دەپ ويلايمىن. ءورتتىڭ الدىن الىپ, جولدىڭ ساپاسىن كورسەتەتىن اپاراتتاردىڭ ءبىزدىڭ ەلدە بالاماسى جوق دەۋگە دە بولادى. بار بولعاندا دا ءالى قولدانىسقا ەنبەگەن. ەلىمىزدىڭ كەز كەلگەن جەرىندەگى جولدىڭ جاعدايىمەن تانىسۋ ءۇشىن سايتقا كىرىپ, وزىڭىزگە قاجەت مالىمەتتى ەركىن الا الاسىز. ساپارعا شىققاندا ءتيىمدى, — دەيدى جوبا اۆتورىنىڭ ءبىرى ەلدوس ەرەنتالوۆ.

جالپى تيمۋر مەن ەلدوس وسى جوبانى بىرلەسىپ جاساعان. جوبا ناتيجەلى بولۋ ءۇشىن ارنايى نەيروندىق جەلىنى پايدالانعان. مۇنىڭ جولاۋشىعا پايداسى كوپ. ماسەلەن, الىس سجولعا شىققان كولىك يەسى نە تۋريستەر الداعى جولدىڭ ساپاسىن بىلە الادى. ءارى قولايلى, ءارى قاۋىپسىز. ىزدەنىمپاز جاستاردىڭ حالىقارالىق دارەجەدە مويىندالىپ ۇلگەردى.