«جەزقازعان-پەتروپاۆل» تاسجولى تولىق جاڭارتىلادى

فوتو: مينيسترلىك

وبلىسارالىق جانە اۋدانارالىق جولداردا ورتاشا جوندەۋ جۇمىستارى جۇرگىزىلەدى. مەملەكەت باسشىسىنىڭ تاپسىرماسىنا سايكەس ماماندار رەسپۋبليكالىق ماڭىزعا يە 10 مىڭ شاقىرىم جولدى ورتاشا جوندەۋمەن قامتيدى6 دەپ جازدى qandastar.kz

ماسەلەن, ەلىمىزدىڭ ءتورت ءوڭىرىن جالعايتىن «جەزقازعان – پەتروپاۆل» اۆتوجولى تولىق جوندەۋدەن وتپەك.

كولىك مينيسترلىگىنىڭ مالىمەتىنشە, اتالعان جولدا ورتاشا جوندەۋ جۇمىستارى 2024 جىلى باستالىپ, 590 شاقىرىم جول قامتىلدى. بيىل تاعى 113 شاقىرىم جولدى جوندەۋ جوسپارلانىپ وتىر.

«كولىك ءمينيسترى مارات قاراباەۆ قوستاناي وبلىسىنىڭ ارقالىق قالاسىنا ءىس-ساپارى بارىسىندا ءسوز ەتىلگەن جولدىڭ جاعدايىن تەكسەرىپ, وتكەن جىلعى جول-قۇرىلىس ماۋسىمىنىڭ ناتيجەلەرىمەن تانىستى.

اتالعان اۆتوجولدىڭ جالپى ۇزىندىعى 940 شاقىرىمدى قۇرايدى. ونىڭ 125 شاقىرىمى قوستاناي وبلىسىنىڭ اۋماعىمەن وتەدى.

اۆتوجولدى ورتاشا جوندەۋ جۇمىستارىمەن قامتۋ ءوڭىردىڭ دامۋى, كولىك قولجەتىمدىلىگىن ارتتىرۋ جانە جول قوزعالىسى قاۋىپسىزدىگىن جاقسارتۋ ءۇشىن ماڭىزدى. «جەزقازعان – پەتروپاۆل» تاسجولى ارقالىقتى وبلىس ورتالىعى قوستانايمەن, سونداي-اق استانا جانە جەزقازعان قالالارىمەن بايلانىستىراتىن نەگىزگى كولىك ارتەرياسى», – دەلىنگەن حابارلامادا.