Jańalyqtar
«Jezqazǵan-Petropavl» tasjoly tolyq jańartylady
Foto: mınıstrlik
Oblysaralyq jáne aýdanaralyq joldarda ortasha jóndeý jumystary júrgiziledi. Memleket basshysynyń tapsyrmasyna sáıkes mamandar respýblıkalyq mańyzǵa ıe 10 myń shaqyrym joldy ortasha jóndeýmen qamtıdy6 dep jazdy qandastar.kz
Máselen, elimizdiń tórt óńirin jalǵaıtyn «Jezqazǵan – Petropavl» avtojoly tolyq jóndeýden ótpek.
Kólik mınıstrliginiń málimetinshe, atalǵan jolda ortasha jóndeý jumystary 2024 jyly bastalyp, 590 shaqyrym jol qamtyldy. Bıyl taǵy 113 shaqyrym joldy jóndeý josparlanyp otyr.
«Kólik mınıstri Marat Qarabaev Qostanaı oblysynyń Arqalyq qalasyna is-sapary barysynda sóz etilgen joldyń jaǵdaıyn tekserip, ótken jylǵy jol-qurylys maýsymynyń nátıjelerimen tanysty.
Atalǵan avtojoldyń jalpy uzyndyǵy 940 shaqyrymdy quraıdy. Onyń 125 shaqyrymy Qostanaı oblysynyń aýmaǵymen ótedi.
Avtojoldy ortasha jóndeý jumystarymen qamtý óńirdiń damýy, kólik qoljetimdiligin arttyrý jáne jol qozǵalysy qaýipsizdigin jaqsartý úshin mańyzdy. «Jezqazǵan – Petropavl» tasjoly Arqalyqty oblys ortalyǵy Qostanaımen, sondaı-aq Astana jáne Jezqazǵan qalalarymen baılanystyratyn negizgi kólik arterııasy», – delingen habarlamada.
