جاڭالىقتار
جەزقازعاندا بالالار اۋلاداعى اعاش «سىرعاناقتى» ورتەپ جىبەرگەن
جەزقازعان قالاسىندا ۇيلەردىڭ ءبىرىنىڭ اۋلاسىندا كامەلەتكە تولماعان ءۇش بالا بالالار الاڭىنداعى سىرعاناقتى ورتەپ جىبەردى. كۋاگەرلەردىڭ ايتۋىنشا, وقيعا 7 شىلدە كۇنى تاڭعى ساعات 4 شاماسىندا بولعان, دەپ حابارلايدى Qandastar.kz.
وقيعا ورنىندا قازىر تەك كۇيىپ كەتكەن تىرەۋىشتەر مەن باسپالداق قانا قالدى – قۇرىلىم تولىعىمەن جانىپ كەتكەن.
ۇلىتاۋ وبلىسىنىڭ پوليتسيا دەپارتامەنتى تەرگەۋ شارالارى ناتيجەسىندە وقيعاعا قاتىسى بار بالالاردىڭ انىقتالعانىن حابارلادى.
«اتا-انالارىنا بالالارىن تاربيەلەۋ جونىندەگى مىندەتتەرىن ورىنداماعانى, سونداي-اق كامەلەتكە تولماعانداردىڭ تۇنگى ۋاقىتتا زاڭدى وكىلدەرىنىڭ ەرىپ ءجۇرۋىنسىز تۇرعىن ۇيدەن تىس جەرلەردە بولعانى ءۇشىن اكىمشىلىك جاۋاپكەرشىلىككە تارتىلدى», – دەدى پوليتسيا.
