جاڭالىقتار
جەزقازعانداعى مۇناي بازاسىنان الاپات ءورت شىقتى
فوتو: اشىق دەرەككوز
جەزقازعان قالاسىندا ورنالاسقان مۇناي بازالارىنىڭ ءبىرىنىڭ اۋماعىندا ءۇش اۆتوكولىك ورتتەندى. ءورت ءسوندىرۋ بولىمشەلەرى كەلگەنگە دەيىن گاز-اۋا قوسپاسىنان جارىلىس بولىپ, انگاردىڭ قابىرعالارى قيرادى, دەپ حابارلايدى qandastar.kz
ابىروي بولعاندا تجم قۇتقارۋشىلارى الاپات ءورتتى اۋىزدىقتاي الدى.
«وقيعا ورنىنا بىرنەشە مينۋت ىشىندە دەرەۋ كەلگەن تجم-ءنىڭ العاشقى بولىمشەلەرى قورعانىس جىلۋ شاعىلىستىرعىش كوستيۋمدەرىندە ءورتتى سوندىرە باستادى. ىلە-شالا قوسىمشا ءورت ءسوندىرۋ قۇرامى دا كەلىپ جەتتى. قانات جايعان جەدەل شتاب جانارمايى بار رەزەرۆۋاردى سالقىنداتۋ ارقىلى قورعاۋ ءۇشىن ءبىر زۆەنونى وت ىشىنە جىبەرۋ تۋرالى ستراتەگيالىق شەشىم قابىلدادى. جانۋ ورنىنا جاقىن تۇرعان گيدرانتتارعا اۆتوتسيستەرنالاردى ورنالاستىرا وتىرىپ, ءورت سوندىرۋشىلەر كوبىك شابۋىلىنىڭ كومەگىمەن ءورتتى 100 شارشى مەتر الاڭدا ءسوندىردى».
ءورت سالدارىنان مۇناي بازاسىنىڭ ءتورت قىزمەتكەرى اۋرۋحاناعا جاتقىزىلدى. ءورتتىڭ شىعۋ سەبەبى انىقتالىپ جاتىر.
