“Jıhad jasaǵym keldi”: Terrorızmdi nasıhattady dep aıyptalǵan 16 jastaǵy qazaqstandyq oqıǵasyn bólisti

Foto: skrın

Sońǵy jyldary ekstremıstik ıdeolagııanyń yqpalyna túsip, terrorızmdi nasıhattap, jıhad jasaǵysy kelgen balalardyń qatary kóbeıgen. Ekstremızmdi nasıhattady dep aıyptalǵan 16 jastaǵy jasóspirim bolǵan oqıǵa týraly aıtyp berdi. Bul týraly qandastar.kz aqparat agenttigi qaýipsizdik qyzmetiniń “Arbaý” fılmine silteme jasap habarlaıdy.

2023 jyly 42 adam destrýktıvtik áreketteri úshin qylmystyq jazaǵa tartylǵan. Onyń ekeýi kámeletke tolmaǵan balalar. Bıyl 68 adam sottalǵan. Olardyń ishindegi beseýi bala.

Solardyń biri 16 jastaǵy Aıbek(aty oıdan shyǵarylǵan). Ol jelidegi toptarǵa kirip, ártúrli ekstremıstik sıpattaǵy vıdeolar taratqany úshin sottalǵan. Jasóspirim óziniń jıhad jasaǵysy kelgenin de jasyrmady.

«16 jastamyn. Ekstremızmdi nasıhattaıtyn vıdeolar taratqanym úshin jazamdy ótep jatyrmyn. “Vıalatı Kavkaz” degen Telegram arnaǵa kirdim. Ahmad degen balamen tanystym. Djıhadqa shaqyratyn vıdeolar sal dep aıtty maǵan. Telegramǵa kirim “Daýl-atl-Islam” degen kanal ashtym. Sol kanalǵa saldym. Sırııaǵa baryp jıhad jasaǵym keldi. Top ashyp ol toptyń siltemesin TikTok-qa saldym. Sybaılasym “Islam memleketi” degen taǵy bir arnaǵa silteme jiberdi, oǵan da qosyldym. Ol jerde namaz oqymaı, Allaǵa qarsy shyqqan adamdardy óltiretin vıdeolar edi. Iýtýbtan ýaǵyz tyńdap, saıttaryn oqydym”, – deıdi ol.

Aıbektiń anasy balasy birneshe ret vıdeo kórsetkenin, mundaı vıdeolarǵa mán bermegenin aıtady.

«Maǵan Telegram-nan vıdeo keldi dep kórsetti. Ishinde bireýdiń basyn ekinshi bireý kesip jatyr. Men mán bermedim. Mundaıdyń talaıyn kórgenbiz ǵoı dep qoıa saldym. Naýryz aıynda oraza ýaqytynda TikTok áleýmettik jelisindegi balalarmen kezdesip bastady. Arabsha mýzyka tyńdaıdy. Bizdiń saýatymyz bolmaǵan soń, balada dinı saýat qaıdan bolsyn. Ondaı zań bar ekenin de bilmeımiz”, – deıdi jasóspirimniń anasy.

Jasóspirim ártúrli terrorıstik uıymdardy nasıhattaıtyn vıdeolardy bólisip, basqalaryn da jıhadqa shaqyrǵan.

«Vıdeonyń mazmunynda DAISh terrorıstik uıymynyń sodyrlary beınelengen. Asa qatigezdikpen adam óltirgen. Arnaıy qyzmettiń adamdaryn ustap alyp, aıaýsyz óltirgen vıdeolardy bólisken. Oǵan qosa ústine arab ultynyń kıimin kıip, úıiniń mańynda beınerolıkter túsirip, jıhadqa shaqyryp, jıhadqa shyǵý oıy bar ekenin ashyq bólisken”, – deıdi jedel qyzmetker.

Eske salsaq, osyǵan deıin Qazaqstan azamaty terrorızmdi nasıhattaǵany úshin sottalǵanynjazǵanbyz.