«Jıi ózgerý emes, zańdy qubylys»: oqý-aǵartý mınıstri bilim berý baǵdarlamasy jańartylýyna qatysty aıtty

Foto: primeminister.kz

Oqý-aǵartý mınıstri Ǵanı Beısembaev 2026 jyldan bastap jańartylǵan bilim berý baǵdarlamasy engiziletinin, mundaı ózgeris ár 10 jyl saıyn bolatynyn aıtty. Bul týraly qandastar.kz  KAZ.NUR.KZ tilshisine silteme jasap habarlaıdy. 

Mınıstrdiń sózinshe, álem elderinde ár 10 jyl saıyn bilim berý baǵdarlamasyn jańartý praktıkasy bar.

«Álemdegi bilim salasyndaǵy úderister boıynsha on jyl saıyn bilim berý baǵdarlamasyna ózgerister engizilip otyrady. Bilim berý baǵdarlamasyndaǵy ózgerister 2016 jyly boldy. Odan keıin pandemııa boldy, jasandy ıntellekt kelip jatyr. Sondyqtan álemde mundaı kózqaras bar. Bul jıi ózgerý emes, zańdy qubylys ekenin bilý kerek. Bul memlekettik standarttaǵy jańa standart emes, qazirgi bar baǵdarlamany shyńdaý. 2026 jyldan bastap jańartylǵan bilim baǵdarlamasy engiziledi.

Oqýlyqtarǵa qatysty, basqa da syn-eskertpeler kóp boldy. Ulttyq qundylyqtarǵa qatysty ózgerister, standarttaǵy olqylyqtarúa qatysty ózgerister boldy», – dedi mınıstr.