جاڭالىقتار
جىتىقارادا 5 بالاسىنان ايىرىلعان وتباسىعا پاتەر بەرىلدى
فوتو: اشىق دەرەككوز
قوستاناي وبلىسى جىتىقارا قالاسىندا ءۇيى ورتەنىپ, بەس بالاسىنان ايىرىلعان وتباسىعا پاتەر بەرىلدى, دەپ حابارلايدى Qandastar.kz.
وبلىس اكىمدىگىنىڭ مالىمەتىنشە, جىتىقاراداعى جەكە ۇيدەگى ورتتە بەس كىشكەنتاي بالاسىنان ايىرىلعان وتباسىعا قاجەتتى پسيحولوگيالىق, قۇقىقتىق جانە ماتەريالدىق كومەك كورسەتىلگەن.
«جەرلەۋ ءراسىمى ۇيىمداستىرىلىپ, جەرگىلىكتى بيۋدجەتتەن 100 اەك كولەمىندە بىرجولعى الەۋمەتتىك كومەك بەرىلدى, ءبىلىم بەرۋ ءبولىمىنىڭ قورى ەسەبىنەن 100 اەك كولەمىندە تولەم بەرۋ جوسپارلانۋدا. قالاداعى ەكى ءىرى كاسىپورىنىڭ باستاماسىمەن وتباسىعا ەكى بولمەلى پاتەر ساتىپ الىندى», – دەلىنگەن اكىمدىك حابارلاماسىندا.
