الەۋمەت جانە قوعام
ەنەرگەتيكا جانە كوممۋنالدىق ينفراقۇرىلىمدى جاڭعىرتۋ ءۇشىن ۇلتتىق جوبا قابىلداندى
فوتو: akorda.kz
ەل بيلىگى ەنەرگەتيكا جانە كوممۋنالدىق ينفراقۇرىلىمدى جاڭعىرتۋ ءۇشىن ەكى بولىكتەن تۇراتىن ۇلتتىق جوبانى ىسكە قوستى, دەپ جازدى qandastar.kz
ءبىرىنشىسى — الداعى بەس جىل ىشىندە 7 300 مەگاۆات ەلەكتر قۋاتى سالىنىپ, ءبىر بولىگى جاڭعىرتىلادى. وعان 6 ترلن تەڭگەدەن استام قارجى جۇمسالۋدا. ەكىنشىسى – كوممۋنالدىق جەلىلەردى جاڭارتۋ. ونى جۇزەگە اسىرۋعا شامامەن 6,8 ترلن قاجەت بولادى.
“ول اقشاعا 86 مىڭ شاقىرىم كوممۋنالدىق جەلىنى جاڭارتىپ, جاڭعىرتۋ جانە دامىتۋ قاجەت. سونىمەن قاتار ەل ىشىندەگى ءوندىرىستىڭ مۇمكىندىكتەرى بارىنشا پايدالانۋ تۋرالى جوسپار بار. ينفراقۇرىلىمعا ۇلكەن قاراجات سالعاندىقتان, وففتەيك-كەلىسىمشارتتار اياسىندا جۇمىس ىستەپ تۇرعان وندىرىستەردى 100% جۇكتەۋدى كوزدەپ وتىرمىز”, – دەدى ۆيتسە-پرەمەر قانات بوزىمباەۆ.
atamekenbusiness_qaz وسى رەتتە ۇكىمەت ەنەرگەتيكالىق ينفراقۇرىلىمعا قاجەت بىراق ەلىمىزدە وندىرىلمەيتىن زاتتاردىڭ ءوندىرىسىن دە جولعا قويۋعا نيەتتى ەكەنىن ايتتى. بۇل باعىتتا 27 زاۋىت پەن فابريكا قۇرىلادى دەپ بولجانۋدا. ۆيتسە-پرەمەر ينۆەستورلارمەن جۇمىس ىستەدىك. ولاردىڭ ىشىندە ءوزىمىزدىڭ جۇمىس ىستەپ تۇرعان كاسىپورىندار دا بار. ولار ءوز ءوندىرىسىنىڭ اياسىن كەڭەيتۋگە دايىن. سونداي-اق شەتەلدىك ينۆەستورلار دا قىزىعۋشىلىق تانىتىپ جاتىر, – دەدى. بوزىمباەۆتىڭ بايانداۋىنشا قارجى قۇيۋعا ق ۇلىقتىلار قاتىراندا گەرمانيانىڭ, تۇركيانىڭ, رەسەيدىڭ جانە قىتايدىڭ ينۆەستورلارى بار كورىنەدى. سونداي-اق ۇلتتىق جوباعا زەينەتاقى قورىنان قاراجات الۋ تۋرالى جوسپار دا بار, ونىڭ كولەمى ءبىرىنشى جارتىجىلدىقتان كەيىن بەلگىلى بولادى.
ء“ارتۇرلى كوزدەردەن قارجى تارتىلاتىن بولادى. بىرىڭعاي جيناقتاۋشى زەينەتاقى قورىنان دا. ينفراقۇرىلىم سالاسى – سالىنعان قارجى قايتاتىن سەنىمدى باعىت. تاۋەكەلى تومەن اكتيۆ”, – دەدى.
