جاڭالىقتار
جوعالىپ كەتكەن 16 جاستاعى قىز ءولى تابىلعان: تىڭ مالىمەت ايتىلدى
قوستاناي وبلىسىنىڭ پوليتسەيلەرى بۇرىن جوعالىپ كەتكەن قىزدىڭ ءولىمى سەبەبىن ايتتى,-دەپ حابارلايدى Qandastar.kz
16 جاستاعى داريا تايرونينا 26 ماۋسىمدا اۋليەكول اۋىلىنداعى ۇيىنەن شىعىپ, جوعالىپ كەتكەن. سودان كەيىن پوليتسيا مەن ەرىكتىلەر ونى ىزدەۋگە كىرىستى. 28 ماۋسىمدا قىزدىڭ دەنەسى اۋليەكول ماڭىنداعى اعاش ەگىلگەن اۋماقتان تابىلعانى بەلگىلى بولدى.
اسا اۋىر قىلمىس جاسادى دەگەن كۇدىكپەن 27 جاستاعى جەرگىلىكتى تۇرعىن انىقتالىپ, ۇستالدى. قازىرگى ۋاقىتتا ول تەرگەۋ يزولياتورىندا قاماۋعا الىندى. جان-جاقتى جانە وبەكتيۆ تەرگەۋ ءۇشىن قاجەتتى تەرگەۋ شارالارى جۇرگىزىلىپ, ساراپتامالار تاعايىندالدى», – دەپ حابارلادى قوستاناي وبلىسىنىڭ پوليتسيا دەپارتامەنتى.
پوليتسيا ساراپتاما قورىتىندىسى شىقپاي سەكسۋالدىق سيپاتتاعى ارەكەتتەر بولىپ-بولماعانى تۋرالى پىكىر بەرە المايتىنىن اتاپ ءوتتى. باسقا مالىمەتتەر تەرگەۋ مۇددەسى ءۇشىن جاريالانبايدى.
