جاڭالىقتار
جوعارعى سوت ازىق ت ۇلىك كورپوراتسياسىنىڭ تەندەرىن زاڭسىز دەپ تاپتى
جوعارعى سوت ازىق ت ۇلىك كورپوراتسياسىنىڭ ەسج تاۋار بيرجاسىنىڭ پايداسىنا تەندەرىن زاڭسىز دەپ ۇكىم شىعاردى, دەپ حابارلايدى Qandastar.kz اقپارات پورتالى «كاسپي» تاۋار بيرجاسى» اق رەسمي سايتىن سىلتەمە جاساپ.
«كاسپي» تاۋار بيرجاسى» اق رەسمي سايتىندا حابارلانعانداي, قر جوعارعى سوتىنىڭ اكىمشىلىك ىستەر جونىندەگى سوت القاسىنىڭ 2025 جىلعى 6 ناۋرىزداعى قاۋلىسىنا سايكەس, بيرجا «ازىق-ت ۇلىك كەلىسىم-شارت كورپوراتسياسى» ۇلتتىق كومپانياسى» اق (ازىق-ت ۇلىك كورپوراتسياسى) قارسى ءىس بويىنشا كاسساتسيالىق شاعىمدى جەڭىپ الدى.
سوت 2024 جىلعى 24 ساۋىردەگى تەندەر قورىتىندىلارى تۋرالى حاتتامانى زاڭسىز دەپ تانىعان. سونداي-اق ازىق-ت ۇلىك كورپوراتسياسىن ونى بەلگىلەنگەن مەرزىمدە قايتا قاراۋعا مىندەتتەدى.
استىقپەن بيرجالىق ساۋدا-ساتتىقتى ۇيىمداستىرۋ بويىنشا قىزمەتتەردى ساتىپ الۋ قورىتىندىسى تالاپ قويۋعا سەبەپ بولدى. ءىس ماتەريالدارىنا سايكەس, «كاسپي» تاۋار بيرجاسى» اق ءوتىنىمىن تەندەرلىك كوميسسيا قابىلدامادى, ال باسقا بيرجا — «ەۋرازيالىق ساۋدا جۇيەسى» تاۋار بيرجاسى» اق (ەسج) جەڭىمپاز دەپ تانىلدى. جوعارعى سوت مۇندا پروتسەدۋرانىڭ بۇزىلۋىن, اتاپ ايتقاندا رەسمي نەگىزدەر بويىنشا ءوتىنىمدى زاڭسىز قابىلدانباعانىن انىقتادى.
سوت قاۋلىسى ازىق-ت ۇلىك كورپوراتسياسىنا سوتتىڭ قۇقىقتىق ۇستانىمىن ەسكەرە وتىرىپ, تەندەردىڭ قورىتىندىلارىن قايتا قاراۋ تۋرالى شەشىم قابىلدانعان ساتتەن باستاپ ءبىر اي ىشىندە نۇسقاما بەرەدى. سونىمەن قاتار, تالاپكەردىڭ پايداسىنا مەملەكەتتىك باج سالىعى ءوندىرىلدى.
بۇل رەتتە اشىق دەرەككوزدەردە ءساۋىر ايىندا مەملەكەتتىك رەزەرۆتەردەن بيدايدى وتكىزۋ سول بيرجالىق الاڭدا جالعاسقانى تۋرالى اقپارات ساقتالادى, ونىڭ قورىتىندىسى سوت داۋىنا سەبەپشى بولعان ەدى. ازىق-ت ۇلىك كورپوراتسياسىنىڭ رەسمي حابارلاۋىنشا, بيداي ساۋداسى كۇن سايىن ەسج بيرجاسىندا وتكىزىلەدى.
ايتا كەتەيىك, «كاسپي» تاۋار بيرجاسى» اق – مۇناي ونىمدەرىن, كومىردى جانە تسەمەنتتى قوسا العاندا, تاۋارلاردىڭ كەڭ سپەكترىمەن ساۋدا جاساۋعا ماماندانعان قازاقستاننىڭ جەتەكشى بيرجالىق الاڭى. «كاسپي» تاۋار بيرجاسى» اق ەنەرگەتيكالىق بيرجالاردىڭ ەۋروپالىق قاۋىمداستىعىنا (EUROPEX) قاۋىمداستىرىلعان مۇشە رەتىندە كىرەدى. S&P Global حالىقارالىق رەيتينگ اگەنتتىگىنىڭ ەڭ جوعارى ESG-باعاسىنا يە.
بۇۇ جاھاندىق شارتىنىڭ تولىققاندى قاتىسۋشىسى بولعان تمد اۋماعىنداعى العاشقى بيرجالىق الاڭ سانالادى. سونداي-اق, «كاسپي» – KASE قازاقستان قور بيرجاسىنىڭ رەسمي ليستينگىنە ەنگىزىلگەن ەلدەگى جالعىز تاۋار بيرجاسى.
