Joǵarǵy sot Bıshimbaev pen Baıjanovtyń isin qaraıtyn boldy: otyrys ótetin kún belgilendi

Foto: ashyq derekkóz

Qýandyq Bıshimbaev pen Baqytjan Baıjanovtyń isi boıynsha sot proesiniń kúni belgili boldy. Bul aqparat «Sot kabıneti» bazasynda jarııalandy, dep habarlaıdy KAZ.NUR.KZ.

Tamyz aıynda Qazaqstannyń ulttyq ekonomıka eks-mınıstri Qýandyq Bıshimbaevtyń isi Joǵarǵy sotqa kelip túskeni habarlanǵan bolatyn. Qazir is 4 qyrkúıekte qaralatyny belgili boldy. Aıta ketý kerek, 6 tamyzda advokat Erlan Ǵazymjanov Facebook-tegi paraqshasynda Qýandyq Bıshimbaevtyń Joǵarǵy sotqa júginbegenin jazǵan edi. «Joǵarǵy sotta maǵan Bıshimbaev Q. men Baıjanov B.-ǵa qatysty qylmystyq istiń sońǵysynyń kassaııalyq shaǵymy boıynsha kelip túskenin habarlady. Bıshimbaev Q. men onyń advokattary Joǵarǵy sotqa júginbegen», — dep jazdy sol kezde zańger. Tengrinews.kz málimetinshe, sot Baqytjan Baıjanovtyń shaǵymyn qarastyrady.

1. Eske salaıyq, Saltanat Núkenovany óltirgeni jáne ony azaptaǵany úshin Qýandyq Bıshimbaevqa 24 jylǵa bas bostandyǵynan aıyrý jazasy taǵaıyndalǵan bolatyn, ol jazasyn qylmystyq-atqarý júıesiniń maksımaldy qaýipsizdik mekemesinde óteıdi.