جوعارعى سوت نازارباەۆتى سوتقا بەرگەن ازاماتتىڭ ارىزىن قاراۋدان باس تارتتى

فوتو: اشىق دەرەككوز

جوعارعى سوت استانا تۇرعىنى قايىرگەلدى سماعۇلوۆتىڭ ەكس-پرەزيدەنت نۇرسۇلتان نازارباەۆقا قارسى “مۇلكىن مەملەكەت پايداسىنا ءوندىرۋ” تۋرالى ارىزىن قاراۋدان باس تارتتى. بۇل تۋرالى Stan.kz اقپارات اگەنتتىگى حابارلايدى.

ارىزدانۋشى وز شاعىمىندا جاۋاپكەردى مەملەكەت باسشىسى لاۋازىمىن اتقارا وتىرىپ, ء«ىس-ارەكەتتەرى ارقىلى بۇكىل ادامزاتتىڭ ومىرىنە قاۋىپ ءتوندىردى» دەپ ايىپتاعان. بۇعان دەيىن مامىر-ماۋسىم ايلارىندا ءبىرىنشى جانە ەكىنشى ينستانتسيا سوتتارى دا ازاماتتىڭ ارىزىن قاناعاتتاندىرماعان.

«ارىزدا تالاپكەر سوتتار ءىس جۇرگىزۋ زاڭناماسىن بۇزدى دەگەن نەگىزدە سوت اكتىلەرىن قايتا قاراۋدى سۇرايدى. ءوتىنىشتىڭ دالەلدەرىن زەردەلەي كەلە, سۋديا سوت اكتىلەرىن قايتا قاراۋعا نەگىز جوق دەپ ەسەپتەيدى», – دەلىنگەن جوعارعى سوتتىڭ ازاماتتىق ىستەر جونىندەگى سوت القاسىنىڭ قاۋلىسىندا.

بۇعان دەيىنگى سوتتار شەشىمدەرىندە «قازاقستان رەسپۋبليكاسىنىڭ پرەزيدەنتى تۋرالى» زاڭعا سىلتەمە جاساپ, وعان سايكەس نازارباەۆتى پرەزيدەنت رەتىندەگى وكىلەتتىكتەرىن ورىنداۋعا بايلانىستى ارەكەتتەرى ءۇشىن جازالاۋعا بولمايدى.

ەسكە سالساق, بۇعان دەيىن ەكس-پرەزيدەنت نازارباەۆتىڭ ۇلتتىق عىلىم اكادەمياسىنىڭ مۇشەلىگىنەن الىنىپ تاستالعانى تۋرالى جازعان ەدىك.