جاڭالىقتار
«جوعارعى سوتتىڭ ءادىل شەشىمى»: مينيسترلىك 1 ملن تەڭگە تولەيتىن بولدى
فوتو: ايقىن.كز
توتەنشە جاعدايلار مينيسترلىگىنىڭ ەكونوميكا جانە قارجى دەپارتامەنتىنىڭ قارجىلىق قامتاماسىز ەتۋ باسقارماسىنىڭ بۇرىنعى باس مامانى ناتاليا سالتىكوۆا جوعارعى سوت ارقىلى 1 ميلليون تەڭگەدەن استام وتەماقى الاتىن بولدى, – دەپ حابارلايدى orda.kz
بۇل تۋرالى جوعارعى سوتتىڭ ءباسپاسوز قىزمەتى حابارلادى.
سالتىكوۆا 2013 جىلدان باستاپ تجم-دە قىزمەت اتقارىپ, كەيىن مەملەكەتتىك قىزمەتكە ساراپشى لاۋازىمىنا اۋىسادى. 5 جىلدان كەيىن زەينەت جاسىنا جەتكەن سوڭ, جۇمىستان بوساتىلدى. بىراق, 20-25 جىل ەڭبەك وتىلىنە تيەسىلى وتەماقىنى الا الماي قالادى.
باستاپقىدا, ءبىرىنشى ينستانتسيا سوتى سالتىكوۆانىڭ تالاپ-ارىزىن دۇرىس كورۋدەن باس تارتتى. بىراق جوعارعى سوت ءىستى قايتا قاراپ, ونىڭ ارنايى اتاقتان ايىرىلعاندارعا ارنالعان زەينەتاقى تولەمدەرىن الۋعا قۇقىعى بار ەكەنىن انىقتادى.
جوعارعى سوتتىڭ ازاماتتىق ىستەر جونىندەگى سوت القاسى سوت اكتىسىن جويىپ, مينيسترلىكتى ناتاليا سالتىكوۆاعا 1 ميلليون تەڭگەدەن استام وتەماقى تولەۋگە مىندەتتەدى.
