جوعارى اۋديتورلىق پالاتا نازارباەۆ ۋنيۆەرسيتەتىن تەكسەرەدى

فوتو: اشىق دەرەككوز

جوعارى اۋديتورلىق پالاتا نازارباەۆ ۋنيۆەرسيتەتىن تەكسەرەدى, دەپ حابارلايدى qandastar.kz kaztag.kz-كە سىلتەمە جاساپ.

«مەملەكەت باسشىسى جوعارى اۋديتورلىق پالاتا توراعاسى ءاليحان سمايىلوۆتى قابىلدادى. قاسىم-جومارت توقاەۆ بيۋدجەت قاراجاتى مەن مەملەكەت اكتيۆتەرىنىڭ پايدالانىلۋىن مۇلتىكسىز باقىلاۋدى قامتاماسىز ەتۋدى تاپسىردى. سونداي-اق جالپى مەملەكەتتىك اۋديت جۇيەسىنىڭ تيىمدىلىگىن ودان ءارى ارتتىرۋعا ەرەكشە ءمان بەرۋ كەرەك ەكەنىن ايتتى»,- دەپ حابارلايدى اقوردانىڭ ءباسپاسوز قىزمەتى.

ءاليحان سمايىلوۆ:

– اتاپ ايتقاندا, تەمىرجولعا باسا نازار اۋدارا وتىرىپ, كولىك سالاسىنا, سونداي-اق اباي, جەتىسۋ, ۇلىتاۋ, الماتى وبلىستارىنىڭ بيۋدجەتتەرىنە جانە قازاقستاندىقتاردى ءدارى-دارمەكپەن قامتاماسىز ەتۋ جۇيەسىنە اۋديت جۇرگىزىلگەن.

– جالپى سوماسى 2,9 تريلليون تەڭگەدەن استام قارجىنى قۇرايتىن 73 نىسان تەكسەرىلگەن. ناتيجەسىندە 39 ميلليارد تەڭگەدەن استام قاراجاتتىڭ زاڭسىز جۇمسالعانى انىقتالعان.

ءاليحان سمايىلوۆتىڭ ايتۋىنشا, كەمشىلىكتەردى جويۋ ءۇشىن كولىك سالاسىن دامىتۋ, بيۋدجەتتىك-ينۆەستيتسيالىق جوبالاردى ىسكە اسىرۋ, وتاندىق فارماتسەۆتيكا ونىمدەرىن وندىرۋشىلەردى مەملەكەت تاراپىنان قولداۋ تەتىگىن قايتا قاراۋ جونىندە ۇسىنىستار ازىرلەندى.

• پرەزيدەنتكە مەملەكەتتىك اۋديت جۇيەسىن رەفورمالاۋ جونىندەگى ۇسىنىستار توپتاماسى تانىستىرىلدى;

• بۇدان بولەك, مەملەكەت باسشىسىنا بيىل ەكىنشى جارتىجىلدىقتا جۇرگىزىلەتىن اۋديتورلىق ءىس-شارالار تۋرالى باياندالدى. تەكسەرۋ جۇمىستارى نازارباەۆ ۋنيۆەرسيتەتى جانە «قازمۇنايگاز» ۇك» اق قىزمەتىن, سوت جۇيەسىن, سونداي-اق اۋىل شارۋاشىلىعىنداعى, وڭدەۋ ونەركاسىبىندەگى جانە قۇرىلىستاعى جەكەلەگەن باعىتتاردى قامتيدى.