ءبىلىمجاڭالىقتار
جول اپاتى: فۋتبول تۋرنيرىنە بارا جاتقان 3 وقۋشى اجال قۇشتى
فوتو: اشىق دەرەككوز
بۇگىن تاڭەرتەڭ سامارا — شىمكەنت تاس جولىنىڭ 862-شاقىرىمىندا, حرومتاۋ اۋدانىندا بولعان جول اپاتى جەتى ادامنىڭ ءومىرىن قيدى. ونىڭ ىشىندە ءۇش بالا بار.
بۇل تۋرالى qandastar.kz Orda.kz-كە سىلتەمە جاساپ حابارلادى.
سامارا — شىمكەنت تاس جولىندا 0:00-دەن كەيىن جۇك كولىگى مەن جەڭىل اۆتوكولىك سوقتىعىسىپ, جول اپاتى بولدى. جەرگىلىكتى پوليتسيا قىزمەتى باسقارماسىنىڭ باستىعى ايدوس قۇلجانوۆتىڭ ايتۋىنشا, جەڭىل كولىك جۇرگىزۋشىسى مەن بەس جولاۋشى, ونىڭ ىشىندە ءۇش مەكتەپ وقۋشىسى وقيعا ورنىندا ءتىل تارتپاي كەتتى.
جەرگىلىكتى پوليتسيا باسشىسى بالالار ماڭعىستاۋ وبلىسىنا فۋتبول تۋرنيرىنە بارا جاتقانىن, جالپى سپورتتىق ءىس-شارا تۋرالى مەملەكەتتىك ورگاندارعا حابارلانباعانىن ايتتى.
پوليتسيا قايعىلى وقيعانىڭ سەبەپتەرى مەن ءمان-جايىن انىقتاۋ ءۇشىن سوتقا دەيىنگى تەرگەۋ جۇمىستارىن باستادى. دالەل جيناۋ جانە كۋاگەرلەردى سۇراۋ جۇمىستارى جۇرگىزىلىپ جاتىر.
