جول اپاتىنا ۇشىراعان ءجۋرناليستىڭ قالتاسىنداعى قوماقتى قارجى جوعالىپ كەتكەن

فوتو: اشىق دەرەككوز

«تەمىرقازىق — وي» گازەتىنىڭ باس رەداكتورى اناركۇل امانگەلدىقىزى جول اپاتىنا ۇشىرادى, دەپ حابارلادى qandastar.kz tyrkistan.kz-كە سۋلتەمە جاساپ.

بۇل جونىندە ول الەۋمەتتىك جەلىدە جازىپ, باعالى زاتتارى مەن كوپ اقشاسىنان ايىرىلىپ قالعانى تۋرالى ايتتى.

«بەس كۇن بۇرىن جول اپاتىنا ءتۇستىم. جانىمىزدىڭ اماندىعىن ويلاۋدان ارتىققا مۇرشا بولماي, ەس جوعالىپ, بىرنەشە جاننىڭ اماندىعى ءۇشىن الاڭداپ, ۋايىمداپ, الەك بولدىق. سول ساتتە جولداعى وزگە توقتاعان كولىكتەردەگى مە, باسقا ما بىلمەدىم سومكەم مەن قالتامدى توناپ بارلىق اقشا مەن التىندى ۇپتەپ كەتىپتى. نە دەۋگە بولادى? ادامگەرشىلىكتەن اتتاعان دەيىن بە, يمانسىزدار دەيىن بە? جۇرەكتەرىنە قاراڭعىلىقتى قالاي سيدىرىپ ءجۇر ەكەن? قانعا بويالعان اقشانى قورىقپاي قالاي الدى ەكەن? قالاي جاراتىپ ءجۇر ەكەن? قۇدايىنان وسىنشاما بەزىنۋگە بولا ما? ادامدار ارپالىسىپ بىرەۋدىڭ ومىرىنە اراشا بولىپ جاتقاندا اردان اتتاعاندار دا ارامىزدا بار ەكەن…بۇنى جازباس تا ەدىم, بىراق, “اشىنعاننان شىعادى اششى داۋسىم”. وسىنداي ارەكەتكە باراردا ويلانساڭدار ەكەن? بالكىم, ول جەردە ءولىپ كەتۋىم دە مۇمكىن ەدى? بىراق, جاقسى ادامدار دا بار. دەرەۋ جەتكەن 102 مەن 103 جەدەل جاردەم قىزمەتكەرلەرىنە العىس… سوڭعى اقشام دا شىعار? بالكىم, بىرەۋگە بەرۋگە ءتيىس شىعارمىن? بىراق, التىندى كورگەن پەرىشتە جولدان تايدى. بۇيىرسىن. از اقشا بولماعان سوڭ, سول كۇنى بىرەۋ وسى اقشانى كۇتىپ تە وتىردى. امال نە? باستىسى, باسىمىز امان. اقشانىڭ ءبىر ءمانىسى بولار, ءيا?ادام دەگەن اتقا لايىق بولايىقشى», — دەپ جازدى جۋرناليست.